Veliaj flet për një standart të ri proteste në vend, dhe bën apel për datën 22 nëntor

Në një konferencë për shtyp, Ministri i mirëqenies Sociale dhe Rinisë, Erion Veliaj ka ftuar në nismën për pastrimin e Shqipërisë në një ditë, duke ftuar “çdo qytetar shqiptar, ata që prisnin me ankth vendimin e djeshëm, ata që protestuan këto ditë, por edhe prindërit e atyre fëmijëve që për herë të parë vendosën një standard të ri proteste në një vend ku qeveria nuk e dhunon popullin e vet, por pajtohet me ta, të bashkohen në datën 22 nëntor në fushatën ‘Ta pastrojmë Shqipërinë në një ditë’”. 

Veliaj rikujtoi ekzistencën e 31 hot-spoteve, pastrimi i të cilave është një operacion i kushtueshëm dhe Shqipëria nuk i ka mjetet financiare për ta përballuar.

Por, për mbetjet e zakonshme, ai ftoi të përdoret data 22 nëntor për të treguar se 100 mijë shqiptarë mund ta pastrojnë shtëpinë e tyre me forca vullnetare.

k.c.