PD-së i qan zemra për Administratën?? Më 2005 "qëruan" 10 mijë punonjës

Është gazeta “DITA” që ri-zbulon disa fakte që krijojnë një panoramë të plotë për ofensivën e PD-së opozitare që po mbjell frikën se nga qeveria e re po bëhet kërdia me shkarkimet në administratën publike. Fatmirësisht, një raport hetimor parlamentar i vitit 2006, ka zbuluar në mënyrë të qartë atë që ka ndodhur në muajt e parë të ardhjes në pushtet të demokratëve. Vetëm në 6 muaj, nga Shtatori i vitit 2005 deri në muajin Mars 2006 mbi 10 mijë punonjës të administratës publike u flakën në rrugë të madhe.
Asokohe kishte një ligj të miratuar për mbrojtjen e nëpunësve civilë, por Berisha ia gjeti “marifetin” këtij ligji duke kaluar në sistemin mbivendosje. Ai pajtonte zëvendësuesit e punonjësve të administratës, duke sjellë militantë të PD-së, fillimisht me kontrata provizore dhe më pas duke i emëruar zyrtarisht. Punonjësit e shkarkuar u paguan për ca kohë nga buxheti i shtetit, më pas askush nuk u kujtua për ta.
k.c.