Berisha premton mbështetje për Pranverën arabe!!!!

Italiani Luca Volonte, President i partive popullore në asamblenë e Këshillit të Europës, bën pjesë tek sponsorët ndërkombëtarë të regjimit të Tiranës. Ka vizituar dje Shqipërinë, dhe ka takuar mikun e vet, Sali Berisha. Dhe ky i fundit, që gjithnjë e më shumë po ndaj aktivitetin e tij politik nga retorika (demagogji e skajshme), raportohet të ketë thënë, “se Shqipëria do të vazhdojë të kontribuojë në konsolidimin e demokracisë në vendet arabe dhe do të inkurajojë respektimin  e të drejtave të njeriut edhe pas marrjes së Presidencës së Këshillit të Ministrave në Këshillin e Evropës vitin e ardhshëm”. Dhe pak më poshtë, nga pozicioni i kreut të qeverisë së një vendi që i duhet të marrë vitin e ardhshëm presidencën e Këshillit të Ministrave të KE-së, ka ecur në të njëjtën linjë: “Pranvera arabe u ka hapur këtyre vendeve një këndvështrim të ri mbi shpresën, lirinë dhe demokracie dhe  se vlerat e KE do të shërbejnë si një model për progresin demokratik të këtyre vendeve”.

Duhet guxim i madh që një si Berisha të flasë për inkurajimin e demokrcaisë në vende të tjera. Por ai e ka këtë guxim. Përballë Volonte-rave.

Re.Pu.