Baton Haxhiu, në një diskurs për neo-islamizmin (fashistoid?) në Kosovë: "duan pushtet"

Baton Haxhiu, analizon Islamin radikal shqiptar në përgjigje të një mikut të tij që i ankohet për imam Shefqet Krasniqin (“figura dhe lidhjet e tij me rrjete të ndryshme nga skena radikale islame që gjenden në observim e sipër nga shumë shtete demokratike. Tekstet e zotërisë në fjalë shquhen nga një antioksidentalizëm – çka është e natyrshme-  të theksuar, duke minuar sidomos vlerat iluministe dhe ato demokrate-republikane të rendit evropian”)

Haxhiu vëren se Kosova e pasluftës po ballafaqohet me fillet e reja të një gjuhe tjetër të besimit islam.

“...“sunduesit” e së drejtës islame në Kosovë, besimin nuk e shohin mbi vlerat e besimit dhe mbi dëshirën për të besuar. Ata po ndërhyjnë në pikën kryesore të shoqërisë kosovare: islamistët e rinj po ndërtojnë diskursin në një hapësirë perëndimore siç është Kosova duke dashur që gjuha që flasin të përshkruhet si gjuhë e “Rilindjes”, të një Islami antiperëndimor. Ky diskurs e ka bazën e paprekur që nga koha e themeluesit të Islamit – që feja dhe shteti duhet të jenë bashkë. Dhe, kjo gjuhë, edhe nga të rinjtë e ardhur në Kosovë (Islam), pas kaq shekujsh të Islamit nuk kanë ardhur me ide dhe bindje të reja, të reformuara, të ndryshuara. Model ky i gjykimit fashist, që praktikojnë edhe neoislamistët prezentë në Kosovën e pasluftës” shkruan Batoni.

Duke i analizuar më tej ‘islamistët e rinj’ Haxhiu mbrrin në përfundimin se ata ”...nuk duan besim. Ata duan pushtet sepse për ta Islami është shteti. Për ta identiteti dhe qeverisja janë të bashkuara dhe janë të ngulitura në kokën, kujtesën dhe ndërgjegjen nëpërmjet shkrimeve, bisedave, klandestinizmit, rekrutimit të fëmijëve dhe gjuhës, që përdoret në shumicën e xhamive të Kosovës. Islamistët e rinj pra, sipas kësaj logjike,  ndarjen e shtetit nga feja e shohin të pakuptimtë, sepse i konsiderojnë këto dy entitete të pandara.”

Dhe në fund Haxhiu mëton se duhet ta identifikojmë islamin radikal si fashizoid – pa u brengosur nëse disa prej nesh kërcënohemi. “Ne do të flasim ndershmërisht rreth ekstremistëve në mesin e Islamit të ndershëm në Kosovë, që ka një tradite tolerance me dekada.”

k.c.

i plotë:

http://ina-online.net/opinione/32906.html