“Every dog has its day”, thotë Vickers për Berishën dhe shton: “Relike e të shkuarës”

Historiania britanike Miranda Vickers, njohëse e mirë e çështjeve të Ballkanit e sidomos të shqiptarëve, ka dhënë një intervistë për gazetën Dita. Ajo e ka shprehur rregullisht skepticizmin e saj mbi kontributin e dyshimtë të Sali Berishës në përparimin e Shqipërisë, por këtë herë është e bindur se ora e kryetarit të PD ka sosur, dhe fut në punë një shprehje angleze, “every dog has it’s day”. “Berisha është një njeri i lodhur, i rraskapitur, ai është i vjetër dhe jo i mirë, kështu që ai mund edhe të largohet dhe të gëzojë të gjitha paratë e familjes së tij, ndërkohë që ai ende mundet. Ai ka fituar vendin e tij në histori nga jetëgjatësia e tij politike, por unë mendoj se historia nuk do ta gjykojë atë për mire”, thotë Vickers për gazetarin Xhevdet Shehu. Lidhur me tranzicionin e udhëheqjes partiake, historiania është e mendimit se do të jetë shumë e vështirë për PD-në për të gjetur një udhëheqës të ri, që nuk ka prishur të kaluarën ose që nuk ka lidhje me krimin e organizuar. Berisha e ka kontrolluar PD-në për 22 vjet me radhë dhe kjo e ka tharë Partinë nga politikanët e denjë dhe të rinj që aspirojnë.

Intervistën e plotë e gjeni në linkun http://www.gazetadita.al/09-korrik-2013/

Re.Pu