Në fillim Ksera, pastaj Pango. KLSH e Leskajt nis kallëzimet, por…

Pasi KLSH dërgoi në prokurori dosjen e abuzimeve për tre zyrtarë të lartë të Ministrisë së Punës (është paguar rroga rregullisht e një këshilltari të ministrit Ksera, edhe pse ky ka munguar gati një vit rresht), institucioni i Bujar Leskajt “godet sërish”. Një padi për Ylli Pangon, drejtor i Agjencisë së Kërkimit, Teknologjisë dhe Inovacionit, flet për 100 mijë dollarë abuzime. Në dosjen e KLSH-së thuhet se Pango ka abuzuar me tre projekte. Për gazetën Panorama, vetë Pango ka deklaruar se ky është një akt urrejtjeje i kreut të Kontrollit të Lartë të Shtetit, Leskaj. Me gjasë, priten edhe zbardhje hetimesh të tjera të KLSH-së, ndërkohë që Ilir Beqaj i PS-së deklaron se të gjitha tenderat dhe veprimet financiare të qeverisë në ikje, do të hetohen me skrupulozitet. Një pyetje, megjithatë ngrihet: A do dërgoheshin në prokurori investigimet e KLSH-së, qofshin dhe me shifra “modeste” si këto më lart, nëse rezultati zgjedhor do ishte i ndryshëm?

Re.Pu