7 gabimet e Berishës, sipas Agron Tufës

Nën titullin “ku është gabuar?” Agron Tufa analizon te Panorama humbjen e PD, por që në brendësi në të vërtetë e konsideron si përgjegjësi të Berishës personalisht. Ai shtron për analizë 7 gabimet e Berishës:

1. Gabimi i parë, sipas Tufës (dhe më i madhi) i “Berishës dhe pushtetit të tij” është aleanca e tij e panatyrshme me Ilir Metën “Ky gabim u thellua pafalshëm në momentin kur Berisha nuk mbajti qëndrim të prerë moral për korrupsionin e ministrave të tij aleatë, të njohur si skandali i videos Meta-Prifti, por përkundrazi, u përpoq dhe ia arriti ta mbrojë aleatin e tij kainian” për Tufën, kjo “ia rrëzoi atij hijen kalorësiake të luftëtarit antikorrupsion”
2. Gabimi i dytë i Berishës është se “vazhdoi të thellojë një sëmundje të vjetër, të trashëguar edhe më parë: moslejimin e debatit, diversitetit dhe demokracisë së brendshme brenda partisë dhe grupit të deputetëve të PD-së.”
3. “...katapultoi në pushtet figura të reja drejtuese pa energjinë e së djathtës, madje me prejardhje nga kupola e kuqe e ish-piramidës së PPSH-së”
4. “...faktorizimi i figurave të ricikluara, plëngprishëse të së djathtës si Pollo, Ruli, Ndoka, Imami, Selami etj.,”
5. “....hedhja në përballjen elektorale të qarqeve figura që nuk kanë pikë lidhjeje me bazën. Figura me profil të zbërdhulët...” Madje, duke folur për bazën, Tufa flet për një roces që shndërroi “kryetarët e degëve të partisë në këto seli si ca sulltanë të plotfuqishëm, gjysmëperëndi lokale që ndanin pushtetin në rrjet nepotik...”
6. “....përfshirja në fund fare, në prag të fushatës, të renegatëve socialistë...” një azilim politik i socialistëve që bëhet edhe më i papranueshëm “kur dëbon nga lista ish-deputetë të përkushtuar të së djathtës (Enkelejd Alibeaj, Mark Marku) dhe i zëvendëson ata kokë më kokë – Kastriot Islamin në vend të Alibeajt dhe Gjovalin Kadelin (ish-kryetarin e PS-së së Lezhës) në vend të Mark Markut.”
7. Gabimi i shtatë e më i rëndë, në pikëpamjen e Tufës “është sjellja e tij me shtresën më të gjerë që përbën pjesën dërrmuese të ish-të përndjekurve politikë.” Edhe pse grevën e vitit të kaluar, Tufa vazdon ta konsiderojë si “një intrigë e regjizoruar nga opozita”, ai konsideron se “sjellja e Kryeministrit ndaj grevistëve ishte brengosëse për shumëkënd prej kësaj shtrese, ndonëse  ata, me të drejtë, nuk e përkrahën grevën.”
8.  
9. k.c.

i plotë:

http://www.panorama.com.al/2013/06/29/ku-eshte-gabuar/