Lulëzim Bashës i “ngrin buzëqeshja në buzë”, sfida të reja të vështira e presin

Lulëzim Bashës, numrit dy të Partisë Demokratike, kanakar i Berishës, kandidat i parë dhe i besuari i padiskutueshëm për të marrë drejtimin e PD, i “ngrin buzëqeshja në buzë” jo vetëm se humbi në “limerin” e tij, në Tiranë, si kryebashkiak dhe drejtues i fushatës, jo vetëm se humbi në lagjen e tij ku është lindur dhe rritur si “çun lagjeje”, por se e sheh shumë të zymtë vazhdimin e punës në një klimë tepër të rënduar tashmë për të. E para, se nuk mund të bëjë si të dojë me fondet e qeverisë, tenderat dhe lejet e ndërtimit, të cilat do të jenë nën kontroll dhe monitorim të vazhdueshëm të kësaj të fundit dhe, e dyta, se këtej e tutje do ta ketë edhe më të vështirë me Këshillin Bashkiak, tashmë të armatosur edhe moralisht nga fitorja e thellë e koalicionit të majtë.

Shtypi i sotëm, veç Lulëzim Bashës, zë në gojë edhe tronditjen e thellë dhe të pariparueshme të Jozefina Topllit, Sokol Olldashit, Ridvan Bodes dhe një dyzine të tjerë të përkëdhelurish ministra apo deputetë.

Z.H.