Axhendë e ngjeshur mediatike e Berishës...edhe në Top Chanel, megjithëse ishte betuar se nuk do të shkelte kurrë aty

Krahas axhendës së ngjeshur të mitingjeve përmbyllës të fushatës elektorale, në ditët e pakta që kanë ngelur deri në heshtjen zgjedhore, Kryeministri Sali Berisha ka hartuar edhe një axhendë tjetër të ngjeshur, atë mediatike. Lajmi bëhet i ditur nga Noa.al.

Pas “Zonës së Lirë” dhe “Apartamentit 2XL” , ai me datën 20 do të shkelë betimin që kishte  bërë për të mos vënë këmbë në Top Chanel dhe do të jetë përballë gazetarit Sokol Balla në emisionin “Top Story” të këtij televizioni. Më pas, të premten, pas mitingut përmbyllës në Tiranë, në orën 21.00 të 21 qershorit, Berisha do të jetë në një emision special te “Opinion”, i ftuar i gazetarit Blendi Fevziu, për të përmbyllur kështu pak orë para heshtjes elektorale, që nis në orën 00 të datës 22 qershor, fushatën tejet të ngjeshur për zgjedhjet e 23 qershorit.

Zh.