Edi Rama në Bugajski Hour: Vëzhguesit kanë qenë spektatorë në një mort

Edi Rama ka qenë në Bugajski Hour, dhe biseda ka shkuar tek vëzhguesit ndërkombëtarë, për të cilët Rama tha se ka “një këndvështrim të përzier”. Dhe sqaroi: “Unë i kam parë [monitoruesit] të dështojnë në vitin 2009. I kam parë ata të bëjnë një punë të jashtëzakonshme në vitin 2011. Pra, s’e di se si funksionon. S’e di përse. Por kam parë dy përvoja të ndryshme. Shpresoj se kësaj here, do të kemi një përvojë të ngjashme me 2011-n, dhe jo me 2009-n. Kam kujtime mjaft të mira me kreun e Misionit të ODIHR-it, Jonathan Stonestreet. Njeri tejet mbresëlënës, tejet objektiv, tejet i hapur, tejet i fokusuar, dhe, ç’është më e rëndësishmja, me një respekt të lartë, jo ndaj disa standardeve të caktuara, por ndaj standardeve.”

Dhe në fund ka bërë një saktësim: “Nuk besoj në monitorim në termat e nevojës për të parandaluar atë që mund të ndodhë. Sepse ajo çfarë ka ndodhur më parë ka qenë gjithnjë një fakt i kryer. Një fakt i kryer i shoqëruar me një ndjesi të tmerrshme dobësie nga ana e komunitetit ndërkombëtar përballë asaj që ka ndodhur. Pra, monitorët më duken si spektatorë në një mort.”

Biseda është, në fakt, shumë e gjatë se sa kaq, dhe me një fokusim të plotë në të gjitha argumentat e zgjedhjeve, të fushatës, të programeve, etj. Të gjithën mund ta lexoni në linkun http://www.gazetatema.net/web/2013/06/15/intervista-edi-rama-sbesoj-ne-monitorimin-e-zgjedhjeve-ne-shqiperi-me-duken-si-spektatore-ne-nje-mort/

Re.Pu.