Shqiptarët e Kosovës festojnë Shën Gjergjin; duke shkuar nëpër tyrbe!!!

Gazetat e Prishtinës raportojnë mbi festimet e një dite të quajtur si e Shën Gjergjit, e që i bie gjithmonë më 6 maj. Përmbajtja e saj është qartazi me një konotacion të krishterë, por ka disa interpretime që e kërkojnë origjinën e saj në kohë pagane parakristiane, dhe e lidhin me ardhjen e pranverës. Krishtërimi, sipas këtyre interpretimeve, e ka shfrytëzuar këtë gjë, dhe e ka bërë festë të vetën këtë traditë ‘iliro-shqiptare’. Në fakt, ka ende mjegull mbi këtë festë, ashtu siç ka dhe mbi faktin tjetër, që festa ka marrë një natyrë popullore e përtej fetare. E festojnë (pothuaj) të gjithë me rite të improvizuara (romët e Kosovës e festojnë me therje qëngjash, ndërsa shqiptarët vetë me vizita nëpër tyrbe, thuhet në Zërin e sotëm). Duket si një fe e re sinkretike mes shqiptarësh!!!!

Është po e përditshmja Zëri, që flet për një grua me emrin Hysnije Gashi, e cila “ka marrë rrugën nga shtëpia e saj në fshatin Mramor i Prishtinës për në Mazgit të Obiliqit. Në Mazgit, jo se Hysnija kishte ndonjë të afërm, por qëllimi i kësaj gruaje në moshë, është që 6 majin, që në popull njihet si Dita e Shën Gjergjit, ta kalojë afër tyrbes së Sulltan Muratit. E kësaj radhe, përveçse për shëndet dhe mbarësi, Hysnija kishte edhe një qëllim tjetër madhor. Shpresonte që pas lutjeve në këtë ditë, djali i saj i cili i ka mbushur 30 vjet, t’i prijë fati në fejesë. ‘Djali mi ka ba 30 vjet e s’po muj me i gjet nuse askund. E mora sot këtu e erdha me të, ndoshta i del kismeti najkud’, thotë Hysnija për Express.”

Re.Pu.