Patrioti kërcënon se do të digjet, online i shkruajnë “digju!”

Asllan Patrioti ka dalë dje para mediave duke bërë një deklaratë ekstreme. “Kam deklaruar se do të ndjek shembullin e Lirak Bejkos. Arrestimi më është bërë me anë të politikës dhe jo se kam bërë ndonjë krim dhe nëse unë kam bërë një krim, një arrestim i tillë jashtë cdo lloj norme njerëzore nuk duhej bërë”, tha Patrioti për News24. 

Patrioti theksoi se nuk meriton të qëndrojë në arrest shtëpie për një krim që nuk e ka kryer dhe se ky qëndrim pasiv në shtëpi po u pret bukën fëmijëve të tij. “Nëse një kryefamiljar nuk do dalë dhe të nxjerr bukën e gojës, por të rrijë arrest shtëpie do të thotë se është një vdekje e dytë...”

Poshtë lajmit, lexoje komente online të tilla si:

Dërguar nga ana, durres më 11-11-2012 në 08:08

DIGJUNI SE NA KENI CARE KOKEN. ju marte lumi ishalla se po hani nga taksat e popullit (...) o faree keqe

Dërguar nga klodidr, itali më 10-11-2012 në 22:33

pse nuk u dogje kur te futi ne burg Xhaxhi ? tani te erdhi ne mend ? ik ore karafil bo ça te duash se na nxorret bojen tu u djeg sikur me qene afganistan.

Dërguar nga Ari më 10-11-2012 në 21:21

Njeri I neveritshem...

Dërguar nga AX67, Tirane më 10-11-2012 në 21:10

kujt po i rru..t per surratin tend prej mashtruesi. jepi .... çfare pret trap i tere.

Dërguar nga genc më 10-11-2012 në 20:41

U dogj apo akoma?

Dhe këto komente nuk ishin të veçuara, ishin fryma e përgjithshme e reagimit.

Deklarata për vetëdjegie, aq më tepër pas ndjeshmërisë që krijoi në publik vdekja e Lirakut dhe djegia e Gjergjit, përmban në vetvete një provokim. Nga ana tjetër, nëse 2 shokët u vetëflijuan për kauzën, ngjan sikur akti po vihet në shërbime të halleve të individit. Duket sikur po krijohet një trend i ri i protestës civile, në mungesë të përgjigjes nga institucionet shtetërore. Nesër, mund të dalin njerëz që të kërcënojnë të vetëdigjen se nuk kanë marrë pronat, se i kanë nxjerrë nga shtëpia, etj. Por, halli i shprehur nga Patrioti është një hall konkret, pavarësisht se kush është individi që e ka, dhe në një shoqëri me parime njerëzore askush nuk mund të shtyhet drejt rrënimit ekonomik deri në nivel ekzistence, si pa gjë të keq. Dhe, halli i tij, ndoshta dhe i shprehur keq, a e meriton urrejtjen e shoqërisë të shprehur online? K.Cukali