Shënim: Taçi, Berisha, Alievi, dhe Shqipëria si principatë azerbajxhanase

Më poshtë po rendis disa citime të drejtpërdrejta, pa koment, me bindjen se lexuesi do të arrijë në përfundimin se titulli i këtij shënimi është një konkluzion logjik i kalimit në sitë të këtyre citimeve si dhe fotos bashkangjitur, ku Berisha i ka mbledhur këmbët si një nxënës i trembur para mësueses dhe Alievi i ka hapur si një vezir turk.

Resublica.al; “Letër e Kokalarit për Frank Wisner: Privatizimi i Albpetrolit si i ARMO-s?”: “Do më falni që po bëhem cinik, Frank, por Patton Boggs u mor edhe me privatizimin e ARMO-s, dhe ne e dimë sesi përfundoi ai. Apo ndoshta s’e dimë?”, pyet Kokalari. (http://www.respublica.al/artikuj/2012/10/01/leter-e-kokalari... )

Resublica.al: Fakti që përfaqësuese e bankës azerbajxhanase në gjyq ishte një avokate shqiptare e quajtur Erinda Ballanca, tregon se çështja është më e thellë. Kjo avokate është shumë e afërt me Berishën – ajo e mbrojti atë në gjyqin me Aneta Ramën (të ëmën e Edi Ramës). Nga ana tjetër dihen edhe lidhjet e ngushta të Taçit dhe pronarëve të Credins-it me familjen Berisha. Më tej, dihen edhe lidhjet e ngushta të Berishës me Presidentin e Azerbajxhanit. Duket se, i gjendur në një trekëndësh të tillë, Berisha ka vendosur të përkrahë mikun e tij azerbajxhanas... (http://www.respublica.al/artikuj/2012/08/09/a-po-i-shet-beri... )

Raporton TCH: Aksioneri më i madh me 51 për qind është biznesmeni shqiptar, Rezart Taçi përmes një kompanie që ka ngritur në Singapor me emrin 'Hyppo Oil', ndërsa 49 për qind zotërohen nga amerikanët e 'Silk Road'. "Kompania 'Hyppo Oil" me baze ne Singapor, e cila eshte 100 per qind ne zoterim te Rezart Taçit", tha vete Rezart Taçi. Në vitin 2008, përmes një skeme të ngjashme, Rezart Taçi bleu ARMO-n. Edhe atëherë u fol se blerësi ishte një kompani amerikane, por pas privatizimit amerikanët nuk u dukën më në tiranë dhe blerësi rezultoi biznesmeni shqiptar. Me kete privatizim, Rezar Taci behet pronar pervecse i ARMO-s edhe i 'Albpetrol', duke zoteruar te gjitha te drejtat e pasurive te mbitokes dhe nentokes ne gaz dhe karburante..." (http://www.respublica.al/artikuj/2012/10/05/rezar-taci-prona... )

Raporton TCH: Jashtë kamerave, në ambientet e KiE-së në Strasburg, deputeti Shpëtim Idrizi sqaroi për TCH se Azerbajxhani kishte lobuar fort, duke justifikuar votën e delegacionit shqiptar kundër rezolutës dhe pro amendamentit problematik [amendamenti numër 2] thjesht me solidarizimin ndaj kërkesave të Azerbajxhanit. (http://www.gazetatema.net/web/2012/10/06/shqiperia-pro-azerb... )

Raporton TCH: “Amendamenti “magjik”, amendamenti numër 2, minonte të gjithë institucionin e Këshillit të Evropës, pasi aty thuhej se u takon vendeve anëtare të përcaktojnë vetë “të burgosurit politikë”, rast pas rasti, e për raste të veçanta mund t’i referohen Gjykatës Evropiane për të Drejtat e Njeriut se kush mund të quhet “i burgosur politik”. Për më shumë, amendamenti thotë se Asambleja Parlamentare nuk mund të përcaktojë bazën e të drejtave dhe lirive të njeriut, ndërkohë që kjo është ajo që ne bëjmë këtu për çdo debat e rezolutë, pra dëmtonte gjithë institucionin. E padyshim që është diçka për të cilën Shqipëria duhet të ndihet e turpëruar sepse ka dhe Presidencën”, deklaroi Mailis Reps, anëtare e komisionit të ligjeve dhe të drejtave të njeriut në Këshillin e Europës. (http://www.gazetatema.net/web/2012/10/06/shqiperia-pro-azerb... )

E.Zaloshnja