Gjiknuri: Rri urtë, o Ilir, se do ta dhjes, rri urtë mbaj vendin... Rusmaili: Ej torollak

Ilir Rusmali: Bëni gati zarfet
Damian Gjiknuri: Procedura përcakton se procedura e zgjedhjes së kryetarit fillon pas përfundimit të zgjedhjes së anëtarëve
Ilir Rusmali: Kolegë ne kemi të gjithë kohën e nevojshme në dispozicion. Prandaj me kujdes emrat i keni të gjithë atje, dosjet i keni atje. Ne jemi në proces.
Damian Gjiknuri: O Ilir, nuk jemi në proces. Komisioni do të zbatojë rregulloren. Vetëm dje ke shpallur emrat ore, çfarëpo bën?!
Ilir Rusmali: Këtu flitet me radhë. Të fortin këtu s’mund ta bëjë askush.
Damian Gjiknuri: Po nuk është punë të forti, po lëre ti.
Ilir Rusmali: Prandaj më lër të flas siç fole edhe ti. Kam gjithë të drejtën që të flas siç fole edhe ti
Damian Gjiknuri: Dakord, i gjithë procesi pezullohet, edhe për firma madje.
Ilir Rusmali: Bëjini thirrje seriozitetit tuaj politik se nuk është sjellje e mirë. Bëjini thirrje seriozitetit tuaj politik. KQZ e re duhet të fillojë me urgjencë nga puna, jo për ndonjë gjë të madhe, por sepse Damiani e ka varur të ardhmen e vet nga ky komision. Ka sfidën e vet profesionale.
Damian Gjiknuri: Po lëri këto ti, mos bëj ironi. Lëre se ngele gjithë jetën me këto. Po rri tani mos më mërzit mua. As të dëgjon njeri. Kryetar, po ti ku e ke të varur karrierën dhe jetën tënde, apo te komisioni i Jozefinës?
Ilir Rusmali: KQZ duhet të kujdeset...
Damian Gjiknuri: Rri urtë, o Ilir, se do ta dhjes, rri urtë mbaj vendin.
Ilir Rusmali: Ej torollak
Damian Gjiknuri: Ore rri urtë mbaj vendin. Mbaj vendin, do të degjeneroj si e meriton. Mbaj vendin. Po e përmende më...Dëgjo se ti e di kokën time...
Ilir Rusmali: Damian nuk të lejoj të flasësh në këtë mënyrë.
Damian Gjiknuri: Edhe ti mbaje gojën, je rrahur e do rrihesh përpara po hë se kështu e ke ti. Ma di kokën mua ti, kështu që mos fol shumë me ironi.
Ilir Rusmali: Filloj procedurë disiplinore.
Damian Gjiknuri: S’e kam edhe një anë tjetër unë që, çfarë nuk të bëj...
Ilir Rusmali: Të kërkoj të largohesh nga mbledhja për thyerje disiplinore.
Damian Gjiknuri: Seriozisht e ke që do më largosh? Si kështu, fizikisht e ke apo në mënyra të tjera?
Ilir Rusmali: Po të largoj, edhe fizikisht. Ndaj teje kam filluar procedurën disiplinore, ndaj largohuni nga mbledhja.
Damian Gjiknuri: Hajde njëherë këtu ti...
Ilir Rusmali: Të nderuar kolegë për 5 minuta sa unë të marr masa që të largoj zotin Gjiknuri nga mbledhja. Largohu nga mbledhja
Damian Gjiknuri: Kjo që ke bërë është e paprecedentë.

Ky është debati në një mbledhje (pa kamera por me prani reporterësh) dje në Komisionin e Ligjeve në Kuvend. Situata e acaruar rrezikoi që të përfundonte edhe në konfrontim fizik midis deputetëve Gjiknuri dhe Rusmali. Debati nisi gjatë shqyrtimit të kandidaturave të sjella nga partitë e dyta në Kuvend, LSI-së e PBDNJ-së për anëtarë të KQZ, me qëllimin e miratimit te tyre edhe nga Kuvendi. Kryetari i Komisionit të Ligjeve, vendosi që të përfshijë në rendin e ditës edhe emrat që kanë aplikuar për kryetar të KQZ-së, gjë që është kundërshtuar nga socialistët. Deputetët e majtë e cilësuan jo të rregullt procesin dhe kërkuan zhvillimin e një seance dëgjimore në një nga këto ditë me të gjithë kandidatët që kanë paraqitur interes. Mbledhja u ndërpre me largimin e deputetit socialist nga mbledhje. Kuvendi njoftoi më pas se ka marrjë masë disiplinore ndaj deputetit Damian Gjiknuri.