Kur mund t’i marrim 300 milionë eurot e BE-së?

Një titull që tërhiqte goxha vëmendjen kishte zënë një vend të dukshëm sot në gazetën Shqip: “Shqipëria, tri ditë kohë për 300 milionë euro nga BE”.  Në brendësi të lajmit thuhet se, nëse statusi i vendit kandidat jepet në raportin e 10 tetorit të Komisionit Europian, Shqipëria mund të përfitojë grande dhe fonde deri në vlerën e 300-400 milionë eurove, dhe se këto fonde të konsiderueshme mund të përdoren për investimet në sektorin e bujqësisë dhe në infrastrukturë.

Nuk ka ndonjë pasaktësi në këtë hipotezë të bërë nga gazetari i Shqip-it, por ajo nuk e jep të plotë lidhjen që egziston mes datës 10 tetor dhe eurove që mund të na vijnë nga BE-ja.

Së pari, Komisioni Europian mund të rekomandojë dhënien e statusit të vendit kandidat  për Shqipërinë në 10 tetor, por është Këshilli i Ministrave të BE-së që vendos në bazë të këtij rekomandimi të komisionit. Përvoja e shteteve të tjera ballkanike na tregon se kur Këshilli i Ministrave të BE-së ka pranuar rekomandimin pozitiv të komisionit, e ka kushtëzuar fillimin e negociatave të antarësimit me diçka tjetër që ato vende duhet  të bënin. Rasti më i fundit ishte ai i Malit të Zi, të cilit iu aprovua statusi i vendit kandidat vjet, por filloi negociatat e antarësimit sivjet, pasi u miratua me konsensus një kod i ri zgjedhor.  Dhe marrja e fondeve shtesë nga BE-ja fillon vetëm pas fillimit të negociatave të antarësismit…

Në rastin e Shqipërisë, siç ka sugjeruar Hannes Swoboda (Kryetari i grupit të Socialistëve dhe Demokratëve në Parlamentin Europian) në qoftë se çështjet e mbetura (përfshirë edhe çështjen e imunitetit) zgjdhen, Shqipërisë i mund t’i jepet statusi i vendit kandidat për në BE, por me dy etapa. Së pari, t’i premtohet ky status me rastin e 100 vjetorit të pavarësisë, por negociatat për antarësim të fillojnë në një stad të dytë, vetëm pasi të konstatohet se zgjedhjet e ardhshme do të zhvillohen në mënyrë të rregullt dhe të denjë. Dhe vetëm atëhere do të fillojë marrja e fondeve shtesë nga BE-ja, për të cilat bëhet fjalë në artikullin e gazetës Shqip.

Së dyti, shuma prej 300 milionë eurosh nuk është një dicka që do të jepet një herë si shpërblim për marrjen e statusit. Ajo do të jetë e përvitshme, me kusht që vendi të përparojë në negociatat e antarësismit.

E.Zaloshnja

Artikullin e Shqip-it mund ta lexoni në nyjen http://gazeta-shqip.com/lajme/2012/09/17/shqiperia-tri-dite-kohe-per-300-milione-euro-nga-be/

Për sugjerimin e Swobodës mund të lexoni me teper në nyjen: http://www.respublica.al/artikuj/2012/09/05/swoboda-statusi-i-vendit-kandidat-per-shqiperine-me-dy-etapa-njera-ne-vjeshte-e