Deputeti Braçe: Njerëz nga brenda PS-së përcjellin në media lajme të rreme

Deputeti i PS-së, Erjon Braçe i ngacmuar nga një news i gazetave të djeshme lidhur me qëndrimin e tij në Grupin e PS-së dhe nga një news me titull ‘Fërkime në grupin e PS-së pak minuta para seancës së djeshme’, i publikuar dje në respublica, ka bërë një shënim të zemëruar në profilin e tij në facebook. “Lajmi është i rremë”, thotë në thelb ai, por pa e patur me gazetarët; e ka me burimet e gazetarëve, dmth me njerëz brenda PS-së (Sqarim: respublica pretendon të jetë gazetë e lajmit të saktë e korrekt, por jo gazetë e lajmit të minutës së fundit; ka gazeta të tjera që janë shumë më të përditësuara se sa ne, e prandaj ne i jemi referuar qartazi Panoramës në shënimin tonë që e gjeni në linkun: http://respublica.al/artikuj/2012/5/31/ferkime-ne-grupin-e-p...).

Braçe, pasi shpreh zemërimin me kolegë të vetët, saktëson atë që ka thënë. Po e publikojmë të plotë dhe pa asnjë ndryshim (madje, dhe me ‘e’-të në vend të ‘ë’-ve, e me “c”-të në vend të “ç”-ve):

“Ne kete moment na duhet qe te jemi shume te qarte, te vendosur dhe me nje skenar konkret. Duhet ta kishim bere kete kohe me pare por tani eshte jetike. Sali Berisha nuk ka tentuar te na izoloje (sic tha Kryetari) por na ka poshteruar. I ka takuar te gjithe, madje edhe aleatet tane, por PS-ne e ka refuzuar ta perfshije ne nje proces politik per zgjedhjen e Presidentit. Ka vendosur dhe po na mban jashte ketij procesi, me cdo kosto per te dhe per vendin.
Nga kjo pike duhet te nisemi per te rifituar qartesine tone. Per shkak te interesave qe ka vendi ne procesin e integrimit besoj qe do te na duhet qe te insistojme fort ne dialogun politik; duhet te rrisim presionin politik kundrejt Sali Berishes duke i kerkuar deri ne fund dialog politik dhe synuar konsensus per Presidentin. Nese Sali Berisha na refuzon perseri atehere po ua them troc mendimin tim: NE NUK DUHET TE BEHEMI PJESE E KETIJ PROCESI!
Nuk eshte zgjedhja jone! Sali Berisha zgjodhi te na mbaje jashte ketij procesi. Nuk do te dialogoje me ne. Kjo qe konsumuan sot me kandidatin Zaganjori deshmon qe nuk ka proces politik dhe konsensual me ne, Sali Berisha thjesht po na njofton per zgjedhjet e tij por nuk po zgjedh me ne! Ne te tilla kushte te hyme ne nje gare emrash me partite e Qeverise eshte e kote! Pa proces politik dhe konsensual cdo emer i yni eshte i djegur!
Pra duhet te vendosim tani dhe te kemi skenarin tone deri ne raundin e katert. Nuk eshte zoti Zaganjori kandidati i Berishes per raundin e katert. Une di qe deputetet e PD kane mbledhur firmat per nje kandidat politik! KY DO TE JETE FUNDI I PROCESIT DREJT SHTETIT NJEPARTIAK. KUNDERSHTIA NDAJ SHTETIT NJEPARTIAK DUHET TE JETE BETEJA JONE!
E dyta, PS duhet t’i beje vete negociatat pra PS duhet te negocioje vete me Sali Berishen ne nje proces politik. Nuk mund te negocioje per PS askush nga jashte PS!”

Në fakt, ka të drejtë. Mesazhet e tij kanë qenë të ndryshme nga ato që janë raportuar. Por duket se sot janë mesazhe të kapërcyera. Palët (përsërisim: duket) po shkojnë drejt konsensusit.

E.G.