Kush e hodhi votën e tretë kundër Nishanit?

Një ditë pas votimit presidencial, që pati për rezultat zgjedhjen e Bujar Nishanit në postin e Presidentit të Republikës, shtruam pyetjen: të kujt janë tre votat që ishin kundër? Dy diheshin. Njëra votë ishte  e Vangjel Dules, që e demonstroi hapur se abstenoi, dhe tjetra, sipas shumë gjasash, ka qenë e Gazmend Oketës. Nuk ka prova për këtë, por është e vështirë të gjesh dikë që t’mos besojë se Oketa ka votuar kundër kandidatit të maxhorancës. Po vota e tretë? Patozi, kreu i grupit parlamentar të PD-së, ish i sigurtë që ka qenë Kastriot Islami ai që ka hedhur votën kundër (e tha në programin e Pezës). Shtrojmë pyetjen: Ka patur arsye Kastriot Islami ta bashkojë votën me opozitën? Si zor të ketë patur, pasi ai i ka krejt të këputura dhe të pashpresa lidhjet me opozitën, gjë që nuk është e fshehtë për askënd.

Përfundimi? Nuk është çudi që vota e tretë kundër të ketë qenë nga brenda maxhorancës. Por si zor që të merret vesh ndonjëherë se kush ka qenë ai deputet.

E.G.