Reagimet në web: Me Hoxhën (Artan) është kapur fundi

Reagimet në web pas daljes së lajmit, se kandidat presidencial do të jetë Artan Hoxha të japin idenë e një shock-u kolektiv. Në site-t e blogjet jo qeveritare përcillet mesazhi se “me këtë gjest kanë kapur fundin”. Të gjithë duket sikur janë të gatshëm të thonë: Na rijepni Jozefinën! Sa për Zaganjorin, ky i fundit konsiderohet në këto rrethana një rast i artë që është humbur, tanimë.

Analisti Hoxha, më aktivi në televizionet shqiptare (kish raste që mund ta shihje brenda ditës në pesë studio të ndryshme të pesë televizioneve të ndryshme; fotot e tij, ato pak foto që gjendeshin mbrëmë në google, ishin të gjitha të shkrepura nëpër studio televizive), nuk ka ngrohur kushedi se çfarë as internautët që bëjnë tifo për pushtetin. Këta të fundit mezi e thonë ndonjë fjalë të mirë, që së shumti ka të bëjë me natyrën e tij jo konfliktuale. Por për internautët e opozitës kjo cilësi e jo konfliktualitetit vjen prej fakultetit të shërbimit e të nënshtrimit, i cili i bie në sy që larg.

Sidoqoftë, nuk janë të paktë internautët e opozitës që në këtë mes e kanë me negociatorin Rama (Edi), i cili afërmendsh s’ka patur në dorë të zgjidhte kandidatin më të mirë presidencial, por ka pasur në dorë të pengonte maxhorancën që të bënte zgjedhjen me të keqe.

Re.Pu.