Ju kish marrë malli për Grossruck-un? E solli surratin sërish këtyre anëve

Zv. Presidenti i Asamblesë Parlamentare të OSBE-së, Wolfgang Grossruck, është mik për kokë i Berishës, dhe këtë e ka demonstruar në më shumë se një rast. Ai nuk mungon kurrë ta thotë të vetën lidhur me ngjarjet në Shqipëri sa herë që miku i tij ndodhet në situata delikate. Shumë njerëz kanë pyetur këto ditë se si ka mundësi që Grossruck-u nuk po bëhet i gjallë në këtë fabulën presidenciale, por qysh sot nuk kanë pse ta bëjnë më këtë pyetje, pasi Grossruck-u e nxorri surratin në shesh. Dhe dihet se çfarë mund të thotë një si ai. “Nuk është krizë. Është demokraci të diskutosh dhe të marrësh vendime dhe mendoj se Shqipëria është në rrugë të mbarë. Ka probleme të tilla dhe në Austri dhe në vende të tjera ku ka shumë kandidatë dhe duhet të zgjidhet mes tyre”, është shprehur ai në Shkodër, ku ka shkuar për vizitë.

Re.Pu.