Raporti i DASH-it, një fshikull i fortë mbi Berishën

Raporti vjetor mbi të drejtat e njeriut i Departamentit Amerikan të Shtetit është një fshikull i radhës mbi qeverinë shqiptare. Ka shumë nënvizime të forta në këtë raport, por bien në sy ato lidhur me korrupsionin e shtrirë e kapilar në administratë, lidhur me zgjedhjet komunale të 8 majit 2011, dhe lidhur me 21 janarin të po këtij viti.

Përsa u takon zgjedhjeve të kaluara, në raport thuhet se gjatë tyre “forcat e rendit u urdhëruan nga autoritete civile”. Dhe më tej: “Një klimë politike tepër e polarizuar, e karakterizuar nga raste vjedhjesh dhe raste të diskutueshme numërimi votash, minuan të drejtën e qytetarëve për të ndryshuar lirshëm qeverinë e tyre”. Ky i fundit është një përfundim, që nuk e kishim dëgjuar të jetë thënë ndonjëherë gjatë 22 viteve të fundit. Pastaj vjen ngjarja e 21 janarit, për të cilën shumë njerëz me faj mund t’i gënjejë mendja se ia hodhën. Por kjo do të jetë një ngjarje që s’mund të hidhet pas krahëve. “Katër protestues u vranë gjatë demonstratës. Hetimi eci ngadalë. Nga fundi i vitit, asnjë efektiv i Gardës apo zyrtar i qeverisë nuk ishte akuzuar për rolin e tij në këto vrasje”, thuhej në raport.

Re.Pu.