Thaçi lë të nënkuptuar idenë se “loja me kufijtë është në interes të Shqipërisë”

Pyetjes së gazetës online time.com, se “a mendoni që mund të ketë ndryshim kufijsh në Ballkan?”, kryeministri i Kosovës Hashim Thaçi i është përgjigjur me fare pak fjalë, që bartnin më shumë se një nënkuptim: “Jo, absolutisht; çdo vend ka kufijtë e tij, ashtu siç ka edhe një Mitrovicë të vogël brenda territorit të vet.” “Jo, absolutisht jo”, thotë fillimisht Thaçi, e deri këtu është në harmoni me përgjigjen që i kish dhënë pak më sipër pyetjes lidhur me një deklaratë të tijën mbi bashkimin e Shqipërisë e të Kosovës, nëse dikush do të hapte lojën e ndryshimit të kufijve. “Kohët e luftës në Ballkan kanë marrë fund; ne të Kosovës do të jemi bashkë me Shqipërinë brenda BE-së, si dy vende të pavarura”.

Por kur thotë se “çdo vend në ballkan e ka një Mitrovicë”, ai i kthehet sërish idesë “së vjetër”. Shkurt, me këtë ka dashur të thotë: “Nëse tentojnë të marrin Mitrovicën, vetë Serbia do duhet të lëshojë Preshevën, Medvegjën, etj, Maqedonia do duhet të lëshojë Mitrovicën e vet që është ku e ku më e madhe se Mitrovica e vërtetë, etj, etj”.

Por gazetari nuk e ka shtyrë më tej këtë bisedë.

E.G.