Problemi i Sarkozy-së: Ndarja e votës së djathtë më e madhe se e së majtës

Nicolas Sarkozy është i pari president i Republikës së 5-të franceze që nuk arrin të dalë i pari në raundin e parë të zgjedhjeve presidenciale. Ai u rendit i dyti pas socialistit François Hollande, me rreth 2 pikë përqindje difrence. Kjo renditje qe rezultat i një ndarjeje të votës së djathtë më të madhe se të së majtës. Kështu, Marine Le Pen e së djathtës ekstreme arriti në nivelin 18%. Ndërsa Jean-Luc Mélenchon i së majtës ekstreme mori vetëm 11%. Dhe problemi i madh i Sarkozy-së është se, në përballjen e tij në balotazh, vetëm 67% e të djathtëve të Le Pen-it kanë deklaruar në sondazhe se do të votojnë për presidentin aktual. Nga ana tjetër, 80% e votuesve të majtëve të Mélenchon-it kanë deklaruar se do të votojnë për Hollande-n. Ndërsa votuesit e kandidatëve centristë kanë deklaruar se do ta ndajnë në mes votën për dy kandidatët në balotazh.

E.Zaloshnja