Pse Izraeli nuk e njeh Kosovën dhe pse duhet ta njohë?

Në gazetën Haaretz ish publikuar një editorial me titull “Izraeli midis Kosovës e Serbisë”, ku shpjegohet më së pari pse Izraeli nuk është bashkuar me 88 vendet që e kanë njohur Kosovën: “Izraeli kundërshton hapat e njëanshëm që mund të shërbejnë si model për ndonjë aranzhim me palestinezët apo për të inspiruar arabët e Galilesë shkëputjen e territorit. Gjithashtu kundërshton hapat që zhvlerësojnë ligjin ndërkombëtar dhe shmangin Këshillin e Sigurimit të Kombeve të Bashkuara, aty ku Izraeli përfiton nga fuqia e vetos që Shtetet e Bashkuara kanë. Ka gjithashtu frikë se “plaçkitja” e Kosovës, të cilën Beogradi e quan “Jerusalem të Serbisë”, mund të nxisë nismat që Jerusalemi i vërtetë të shndërrohet në një kryeqytet të Palestinës së pavarur. Dhe fare në fund, ka shqetësime për sforcimin e ekstremizmit islamik dhe antisemitizmit në Evropë.”

Në editorial rrëzohen këto frikëra: “Këto shqetësime janë të pabaza. Kosova ka shpallur pavarësinë me mbështetjen e Shteteve të Bashkuara dhe shumicën e vendeve anëtare të BE-së, me disa kushte të paracaktuara.  Aty ku shqiptarët përbëjnë 90 për qind të popullatës në Kosovë, zona e Galilesë ka një popullatë të përzier hebreiko-arabe dhe asnjë lojtar i rëndësishëm ndërkombëtar nuk do ta mbështeste separatizmin nga arabët izraelitë…  Kosova e pavarur është një shtet pro-amerikan, i cili në vazhdimësi i është ofruar Izraelit dhe ka shprehur interesim për integrim në peizazhin evropian. Me këtë garanton se besimi Islam që praktikon, atë të moderuar, do të mbetet ashtu siç është.”

Re.Pu.