Lëvizja “Occupy Wall Street” trazon New York-un
“Occupy Wall Street” është emri i protestës që ka nisur në New York nja dy javë më parë, bash në momentin që një revistë, AdBuster, lëshoi apelin në twitter për të dalë e për të ngritur zërin kundër pasojave të krizës. Në atë moment u shënua starti i një lëvizjeje, që në të vërtetë nuk ka të bëjë më me çështje të veçanta, por ka marrën formën e një proteste dhe opozite kundër një padrejtësie e pabarazie që përfaqësohet nga Wall Street-i dhe nga aleatët e tij në Washington. “Kjo është protesta e atyre që përbëjnë 99% të njerëzve kundër pjesës 1% që ka në zotërim 50% të pasurisë nacionale”, shprehet njëri prej protestuesve.
Policia e New York-ut ka bërë me sjelljen e saj që kjo ngjarje të marrë përmasa ndërkombëtare e të mobilizojë të tjerë njerëz në SHBA, të cilët ndjejnë se kjo lëvizje është dhe e tyre. Shtatëqind vetë u arrestuan. Motivi? “Janë dhunuar rregullat e trafikut dhe është cënuar rëndë rendi publik”, thonë burime të policisë, por arrestimi i qindra vetëve, përdorimi i shpërpjestimuar i prangave, dhe mbajtja në arrest për ditë të tëra e shumë njerëzve që nuk kanë demonstruar dhunë (sipas dëshmive që vinë nga protestuesit) vënë në dyshim profesionalizmin e policisë.
Situata nuk është e qetë. Protestuesit, të cilët kanë zënë ta quajnë lëvizjen e tyre me termin pretencioz Revolucioni Amerikan, kanë kërcënuar se nuk kanë për ta braktisur parkun e protestës.
E.G.
Comments
Kudo ne bote po trazohen
<p> Kudo ne bote po trazohen "corbat" social-ekonomike,ndersa tek ne "mocali'' perkedhelet nga nje puhize e lehte vetkenaqesie e mendjemadhesie pergjumese duke na lene "ne gjumin e endrave''...Ju lutem,mos kelthisni forte e na zgjoni,se me pas e pesojme si somnabulet...</p>
Add new comment