Shpërthimi në Rafinerinë e Naftës, ndërron jetë i plagosuri

Ndërron jetë në një spital në Austri, 50-vjeccari Petrit Pashaj, punonjësi që u plagos nga një shpërthim më 14 Tetor në Rafinerinë e Naftës në Fier.

Prej disa ditësh Pashaj kurohej në kliniken austriake të djegie plastikës, por fatkeqësisht sot u njoftua vdekja e tij.  Para disa ditësh dy punonjës të kompanisë “Armo” mbetën të plagosur si pasojë e një shpërthimi që ndodhi në depozitën e naftës ku ata po punonin. Në momentin e shpërthimit, Petrit Pashaj, 50 vjeç dhe Ermir Sema, rreth 30 vjeç, kanë qenë duke kryer proces saldimi në pjesën e sipërme të një depozitë tremijë tonëshe. Ngjarja ndodhi brenda rrethimit të uzinës së përpunimit të naftës në Fier, ndërkohë, siç mësohet, depozita që shpërtheu ka qenë e mbushur me bitum. Punonjësit e plagosur po saldonin devijimin e një tubacioni avulli sipër depozitës. Dëshmitarë të ngjarjes pohuan se shpërthimi ka qenë i fortë dhe në pak minuta. Të dy punonjësit pësuan djegie të mëdha në trup dhe dëmtime të tjera. Sapo ka ndodhur ngjarja, kolegët e tyre i kanë transportuar për në spitalin rajonal Fier.

Paraprakisht dyshohet se shkëndijat e saldimit kanë ndikuar që në kontakt të menjëhershëm me tubat e gazit të shkaktojnë shpërthimin.

Ndërsa Ermir Sema shpëtoi me djegie më të lehta dhe e kaloi gjendjen e rrezikut për jetën, të njëjtin fat nuk e pati Pashaj, i cili u konstatua me djegie të shkallës së dytë dhe të tretë. Ai humbi jetën në klinikën austriake ku ishte dërguar për një mjekim më të specializua

MAPO