Sekuestrohen 8.4 kuintalë hashash në Karaburun, kishte destinacion Italinë

841 kg kanabis janë sekuestruar nga policia e Vlorës mbrëmjen e së shtunës në zonën e Karaburunit.

Lënda është kapur në vendin e quajtur “Gjiri i Gramës”.

“Si rezultat i krehjes së zonës nga efektivat e Drejtorisë së Policisë Vlorë dhe Delta Forcë në vendin e quajtur “Gjiri i Gramës” rreth orëve të para të mëngjesit janë konstatuar rreth 20 çanta të zeza dhe 38 thasë të cilët ishin mbushur me lëndë narkotike të llojit cannabis sativa, e cila në total ishte 841 kg”, bën të ditur policia.

Policia dyshon se lënda narkotike kishte si destinacion përfundimtar Italinë.

DITA