Rama: Betejë pa kompromis kundër krimit ekonomik. Fund basteve online, bixhozi i lidhur me politikën

Kryeministri Edi Rama deklaroi se Qeveria do të intensifikojë përpjekjet në betejën pa kompromis kundër krimit, duke theksuar se ndër të tjera krimi ekonomik përmes lojërave të fatit godet familjet e varfra.

“Ne jemi këtu për të mbështetur familjet shqiptare. Do të vazhdojmë pa kompromis betejen në cdo lagje të Shqipërisë, pasi e ardhmja e këtij vendi nuk mund të ketë gjë të përbashkët me bixhozin”, u shpreh Rama.

Kryeministri ndër të tjera theksoi se aktiviteti i lojërave të fatit ka qenë i mbështetur nga politika, duke shtuar se rritja që pësoi ky aktivitet në vitet e fundit ishte dëshmi e rritjes së industrisë së krimit në sytë e të gjithëve e ‘që nuk i bëri përshtypje askujt’.

Rama premtoi reformë ligjore që do të përcaktojë kufijtë për pjesën legale të këtij aktiviteti, ndërsa njoftoi bllokimin e të gjitha website-ve që përdoren për vendosjen e basteve jashtë vendit.

Këto deklarata Kryeministri i dha për mediat, pas mbledhjes së radhës që zhvilloi Qeveria këtë të premte.

SHQIP