Policia e Tiranës program kundër drogës në shkolla

Policia e Tiranës në bashkëpunim me Drejtorinë Arsimore të kryeqytetit ka nisur zbatimin e programit "Edukimi dhe reduktimi i kërkesës për drogë dhe substancat e tjera të rrezikshme".  Ky program vjen, pas një vlerësimi të situatës së përdoruesve të drogave në Tiranë, dhe synon në përgatitjen dhe formimin e fëmijëve të moshave 12-13 vjeçare për rreziqet e drogës, duhanit dhe alkoolit. 

Ditën e sotme, drejtori i policisë së Tiranës, Bernard Çaushaj ishte në shkollën "Vasil Shanto" dhe "Kongresi i Manastirit".  Ai përcolli mesazhe mbi pasojat që vijnë nga përdorimi i drogave dhe substancave të rrezikshme dhe theksoi se kjo eksperiencë pozitive do të shtrihet edhe në shkolla të tjera 9-vjeçare të Tiranës. Grupet mësimdhënëse përbëhen nga dy punonjës të policisë dhe një mësues dhe programi do të vazhdojë deri në 22 mars.

Albanian Screen