Lezhë, vidhet transformatori i fshatit Markatomaj, banorët 5 ditë pa drita.

Fshati Markatomaj i komunës Zejmen të Lezhës ka rënë pre e vjedhjes se transformatorit të energjisë elektrike. Prej 5 ditësh rreth 200 banorë janë pa energji elektrike. 

Banorët tregojnë se edhe më parë është përsëritur e njëjta situatë dhe se më pas e kanë blerë vetë tranformatorin e ri, e tani kërkojnë që tu rikthehet energjia elektrike pasi janë pagues të rregullt të faturave.

Vjedhja e transormatorëve të energjisë elektrike është kthyer në një problem shqetësues në të gjithë rajonin e Lezhës, ndërsa policia nuk ka asnjë të arrestuar në lidhje me këto ngjarje.