Fier, pranga 23 vjeçarit, i vodhi një gruaje 500 € dhe bizhuteri floriri.

Policia e Fierit ka arrestuar një 23 vjeçar, pasi akuzohet se ka vjedhur 500 euro dhe bizhuteri në banesën e një gruaje.
 
Në pranga ka rënë Agron Memaj 23 vjeç, banues në Cakran. Sipas policisë, ai dyshohet se më 4 tetor, në orën 22:30 ka hyrë në banesën e shtetases G.M dhe dyshohet se ka vjedhur 500 euro, 2 varëse floriri, 3 pllaka floriri si dhe 2 monedha serm.
 
Materialet në ngarkim të tij i kanë kaluar Prokurorisë së Fierit për procedime të mëtejshme penale.