Elbasan, grabitet një pikë grumbullimi skrapi. Autorët marrin 210 mijë lekë

Një pikë grumbullimi skrapi është grabitur në fshatin Katundi i Ri në Elbasan.

Sipas policisë persona të paidentifikuar janë futur në ambientet e brendshme të pikës së grumbullimit të skrapit, ku kanë goditur me mjete të forta shtetasin V.H, 47 vjeç dhe më pas i kanë marrë 210 mijë lekë.

47-vjeçari, banues në fshatin Bradashesh në Elbasan, ishte roje në këtë pikë grumbullimi.

Policia ka nisur hetimet dhe po punon për identifikimin e autorëve.