Çdo shqiptar me 3 karta, përdorin celularin më shumë se në BE

Megjithëse më të shtrenjtë se telefonat fiksë, celularët janë kthyer tashmë në mani të vërtetë për shqiptarët. Madje një përdorues mund të ketë edhe 3 numra. Ndërsa në krahasim me qytetarët evropianë, i përdorim telefonët celularë katër herë më shumë se ata fiksë.

Në raportin e Autoritetit të Komunikimeve Telefonike e Postare bëhet e ditur se numri i kartave në përdorim në vitin 2011 arriti në 5.2 milionë, në një popullsi që sipas të dhënave të INSTAT arrin në rreth 2.9 milionë banorë.  

Raporti u paraqit përpara Komisionit të Veprimtarisë Prodhuese, ku u theksua se në 2011 ka një rritje të përdoruesve të telefonisë celulare edhe asaj fiske, me 15 Ka pasur ulje të tarifave për shërbimet e telefonisë, ndërsa bartja e numrave ka arritur në 55 mijë numra aktualisht , nga 41 mijë në fund të vitit 2011. 

Të dhënat janë bërë të njohura nga Piro Xhixho, kryetar i Autoritetit të Komunikimeve Telefonike e Postare

Deputetët u interesuan nëse do të hyjë një operator i pestë celular në tregun vendas. Kreu i AKEP u shpreh se 4 operatorë janë maksimalisht të mjaftueshëm për një vend si Shqipëria. 

Albanian Screen