Rusia paralajmëron goditjen e Gjermanisë për raketat "Taurus"

Agjencia ruse e zbulimit ka akuzuar kancelarin gjerman Friedrich Merz se po kërkon të fshehë furnizimin me raketa të Kievit. Përmes një deklarate të cituar nga agjencia “Tass” kancelari gjerman megjithatë nuk do mundet të fshehë trupat gjermane që do detyrohet të dërgojë në front për drejtimin e tyre.

 Pasi u zgjodh kancelar Merz dha garanci te Zelenskiy se Kiev do të merrte raketat "Taurus" për goditje brenda Rusisë. Sipas agjencisë ruse po fshihen të dhënat e prodhimit të fabrikës dhe disa pjesë po zëvendësohen.

Agjencia ruse pretendon se shumë politikanë europianë janë të shqetësuar nga rerorika antiruse e Merz të cilën pala ruse ia atribuon sfondit familjar nazist të kancelarit.

Ai u rrit nga gjyshi i vet Josef Paul Sauvigny dhe babai Joachim Merz që i shërbyen me besnikëri regjimit nazist. Kjo është arsyeja pse Friedrich është i obsesionuar me idenë e hakmarrjes për mposhtjen e Gjermanisë nga BS

shkruhet në deklaratë.

Agjencia shton një paralajmërim sipas të cilit furnizimi me raketa “Taurus” e ekspozon Gjermaninë ndaj goditjeve ushtarake.