Francën e nxjerrin edhe nga Bregu i Fildishtë

Presidenti i Bregut të Fildishtë, Alassane Oultara, ka njoftuar në fjalimin e tij të fundvitit tërheqjen e forcave franceze nga vendi dhe dorëzimin e bazës së tyre nê kryeqytetin, Abidjan, në janar 2025. 
Duke vlerësuar modernizimin e forcave të armatosura të vendit të vet, ai ka theksuar se ka vendosur:

një tërheqje të organizuar të forcave franceze

Në muajin nëntor, u njoftua se Franca po konsideronte reduktimin e trupave të veta nê Afrikên Qendrore dhe Perëndimore nga 2 200 trupa në 600. 

Një fuqi koloniale, Franca ka qenë e detyruar këto tri vite të largohet nga Mali, Burkina Faso, Nigeri si dhe Çadi, njê aleat kyç.

Largimi përkon edhe me rritjen e një ndjennje antifranceze në Afrikë, çka paralajmëron ndryshime të thella në perceptimin e qendrave të pushtetit sot.