A e braktisën serbët e Kosovës Aleksander Vuçiçin?

Ndërkohë që opozita serbe po proteston në Beograd për parregullsitë e pretenduara në zgjedhjet e 17 dhjetorit, në skenë kanë dalë edhe pakënaqësi nga serbët e Kosovës. Mediat opozitare serbe citojnë kreun e Këshillit Kombëtar Serb të Kosovës, Momçillo Trajkoviç, sipas të cilit “koha kur serbët e Kosovës mbështesnin Aleksander Vuçiç ka kaluar”. Trajkoviç pretendon se në protestën e organizuar nga opozita serbe kanë marrë pjesë shumë serbë të Kosovës, për shkak të vendimeve që kanë marrë autoritetet e Beogradit.

Njerëzit janë të pakënaqur sepse vullneti i tyre është vjedhur. Njerëzit në Kosovës presin që të ketë ndryshime në Beograd që të mund të kenë një shans. Ne nuk e dimë sa e mirë do të jetë e nesërmja për ne, por më e rëndësishmja është se qeveria të jetë e ndryshueshme që të mund të kërkojmë për përgjigje në këtë ndryshueshmëri të procesit demokratik. Dhe ajo çfarë po bën qeveria e tanishme është tradhëti…Pranimi në heshtje i targave është tradhëti. Nuk kam takuar asnjëherë një politikan kaq të korruptuar, të luhatur që është i gatshëm të gjunjëzojë popullin e vet, vetëm për të sunduar

është shprehur ai.

Sipas zyrtarit serb nga 94 000 serbë të regjistruar në Kosovë, vetëm 17 mijë votuan për Aleksander Vuçiç, edhe këta nën shantazh.