Muhabet(pazarxhinjsh) në Presidencë

Mediat raportojnë sot për një takim mes presidentit të Republikës Ilir Meta dhe kryeministrit Edi Rama. Takimi thuhet se është kërkuar nga ky i fundit pas mosdekretimit nga Meta të Sandër Lleshit në detyrën e ministrit të Brendshëm dhe ka zgjatur 90 minuta. 

Nuk bëhet e ditur zyrtarisht se çfarë është diskutuar por është e qartë se Sandër Lleshi nuk mund të jetë ministër me Dekret për shkak se Presidenti u shpreh për këtë çështje. Ndaj takimi mes dy titullarëve do parë në kontekstin e një komunikimi mes dy drejtuesve të partive të majta, skenë dhe dekor i shahut të vetëm që luajnë këta dy njerëz. 

PS: Sot qeveria dhe borizanët mediatikë të saj bërtasin për Kushtetutën. Vallë i ka numëruar kush sa herë ka shkelur Kushtetutën dhe të drejtat kjo qeveri?