spak

Kreu i Partisë së Lirisë, Ilir Meta, nuk i kurseu akuzat në drejtim të SPAK dhe kreut të tij, Altin Dumani.   

Meta tha se sot se Dumani po vret demokracinë në Shqipëri dhe nuk mund të hetojë Partinë e Lirisë. 

Dy ish-drejtorë të tjerë të Bashkisë së Tiranës janë arrestuar sot me urdhër të SPAK. Në kuadër të dosjes 5D, në pranga përfunduan Redjan Molla dhe Mariglen Qato, ndaj të cilëve rëndojnë akuzat e e “Shkeljes së barazisë së pjesëmarrësve në tendera dhe në ankande publike” dhe “Korrupsionit pasiv të personave që ushtrojnë funksione publike”.   

SPAK ka nisur me iniciativën e vet disa hetime për korrupsion në institucionet shtetërore, të cilat, sipas tij, pavarësisht se i kanë mekanizmat, nuk kanë bërë asnjë kallëzim në organin e akuzës.

Kreu i SPAK, Altin Dumani, shprehet se në institucione si Tatimet dhe Doganat është e sigurt që ka korrupsion, por të vetmet kallëzime që shkojnë në prokurori janë ato të Kontrollit të Lartë të Shtetit.

Dorian Duçka, ish-këshilltari i Jashtëm i kryeministrit Rama është paraqitur sot në SPAK. Emri i Duçkës doli në çështjen e ish-agjentit të FBI-së, Charles McGonigal.

Mbetet e paqartë arsyeja e thirrjes së tij në organin e akuzës, pasi SPAK nuk ka nisur asnjë hetim në lidhje me çështjen “McGonigal”.

Në aktakuzën amerikane, Duçka paraqitet si njeriu që ka shërbyer si urë lidhëse mes kryeministrit Rama dhe Charles McGonigal, në dy vizitat e tij në Shqipëri, por edhe takimet në SHBA.

Prokuroria e Posaçme SPAK ka vënë nën sekuestro 5512 m2 truall në zonën e Palasës në Himarë, e cila i është dhënë ish-deputetit socialist Artan Gaçi, në cilësinë e investitorit strategjik.

Trualli mbi të cilin po ndërtohet një resort turistik është tashmë nën sekuestro preventive, pasi bashkëshorti i ish-ministres së Jashtme është nën hetim për falsifikim të aktit të marrjes së tokës në pronësi.

Hetimi lidhur me pronën vjen pas kallëzimit të bërë nga kryebashkiaku i zgjedhur i Himarës, Fredi Belerit, ndaj Artan Gaçit dhe kryetarit në detyrë të Himarës, Jorgo Goro.

Sali Berisha akuzohet për korrupsion pasiv në bashkëpunim me dhëndrin, Jamarbër Malltezi. Një ditë pasi policia ekzekutoi urdhrin e SPAK për arrestimin e Malltezit dhe njohu ish-kryeministrin me masën për detyrim paraqitjeje, organi i akuzës ka publikuar veprat për të cilat akuzohen tre të dyshuarit.

Objekti i hetimit është privatizimi i terreneve dhe objekteve sportive të “Klubit të Futbollit Partizani” dhe “Klubit Shumësportësh Partizani”. 

Përgjimi i bisedave në “Sky” dhe Enchro chat” ka hedhur dritë mbi një vrasje dhe tri tentativa për vrasje, ngjarje që lidhen me arrestimet e kryera me kërkesë të SPAK të enjten.

Në pranga ranë ish-shefi i Forcave Operacionale, Oltion Bistri, drejtuesi i Prokurorisë së Kukësit, Xhevahir Lita, dhe ish-polici Ardit Hasanbega, biznesmeni Pëllumb Gjoka dhe disa të tjerë.

Komunikimi i përgjuar zbardhi rolin e Ervis Martinajt dhe biznesmenit Pëllumb Gjoka në porositjen e vrasjes së Gjin Ndojit për 110 mijë euro.

Prokuroria e Posaçme kundër Krimit dhe Korrupsionit (SPAK) ka shpallur në kërkim ndërkombëtar ish-ministrin e Financave, Arben Ahmetaj. Vendimi vjen pasi Policia e Shtetit konfirmoi se ish-zv.kryeministri Ahmetaj nuk ndodhet në Shqipëri. Të dhënat e sistemit TIMS kanë konfirmuar se Ahmetaj ka dalë jashtë territorit shqiptar. Vetë Ahmetaj disa ditë më parë e konfirmoi largimin përmes një statusi në rrjetet sociale, mëngjesin e ditës kur Parlamenti i hoqi imunitetin me 117 vota pro.  

Kryeministri i vendit Edi Rama ka dalë dje me një mesazh politik rreth asaj që mund ta quajmë çështja “Ahmetaj”. Një mesazh që gërsheton apologjinë e reformës në drejtësi, shpalljen e saj si arritje historike dhe me këtë rast kalimin në devizën qeverisëse për luftë ndaj korrupsionit të niveleve të larta. 

Prokuroria e Posaçme Antikorrupsion, SPAK, ka kërkuar nga Kuvendi i Shqipërisë lejen për kontroll banese dhe arrestimin e deputetit, ish-kryeministër i vendit, Arben Ahmetaj. Në shkresën e vet të publikuar në faqen zyrtare, SPAK cilëson tri akuza për z. Ahmetaj në kuadër të procedimit penal nr. 277/1 të vitit 2022: