siguria

Beniamin Netanyahu, kryeministër i Izraelit, thotë shpesh se rreziku dhe kërcënimi më i madh për vendin e tij është Irani. Aq sa jo rrallë Netanyahu ka bërë presion dhe lobim edhe në Washington për të orientuar politikën e Jashtme amerikane drejt qëllimeve të TelAvivit zyrtar. Por ish-shefi i shërbimit sekret izraelit, Tamir Pardo, larguar nga detyra në qershor të këtij viti, thotë se kërcënimi më i madh në fakt është potenciali i një lufte civile në Izrael.

Afrimi i elitës politike të Malit të Zi me Perëndimin dhe sidomos kërkesa për anëtarësim në NATO, po kundërshtohet nga një propagandë që zë fill nga hapësirat kishtare. Mitropoliti i Kishës Ortodokse Serbe të Malit të Zi, Amfilohije, e quajti NATO-n një zgjatim të pushtimit austrohungarez.

Duke meshuar në manastirin e Podmaine, Amfilohije u kujtoi të pranishmëve se ai kshte shkatërruar në të shkuarën nga Austro-Hungaria dhe sot sipas tij, NATO nuk është asgjë më shumë sesa zgjatim i perandorisë së dikurshme Habsburgase.

Qeveria, apo më saktë ministri i Brendshëm i saj, sulmuan për ditë tëra konçesionarin e Rinasit, për arsye të mungesës së sigurisë. Tani që ngjarjes së grabitjes i humbi tempi mediatik edhe sulmet ranë. Ndërkohë nëse ka një arsye për të cilën TIA duhet sulmuar janë çmimet e larta që aplikon e për të cilat qeveria nuk e vë ujin në zjarr. Është e vërtetë që ekzekutivi i tanishëm nuk ka përgjegjësi për komtratën, por për zgjatjen e saj po dhe përmbajtja e kontratës së re, publikuar në Fletoren Zyrtare, është zhgënjyese.

Ngjarja e Rinasit, grabitja spektakolare që la me gisht në gojë të gjithë aktorët përgjegjës të sigurisë, po kalon në axhendën e diskutimit politik. Ndonëse hetimet kanë nisur dhe ka madje disa të arrestuar, përfaqësues të politikës nuk hezitojnë të japin variante për konsum publik mbi atë që ka ndodhur. “Siguria në Rinas është zero, ngjarje të tilla nuk kanë ndodhur as në vitin 1997. Nuk ka rëndësi shumë e vjedhur, por fakti që në Rinas hyri grupi i armatosur. Është shkelur siguria kombëtare dhe vija e kufirit.

“Tirana Airport Partners” ka dalë sot me një deklartë për shtyp për të sqaruar pozicionin e saj lidhur me grabitjen e para disa ditëve në Rinas. Sipas kompanisë që ka me konçesion aeroportin ku ndodhi ngjarja, përgjegjësia për sigurinë është e policisë, ndërkohë që ICTS përgjigjet sipas saj vetëm për sigurinë aeroportuale. “TIA ka ndjekur edhe raportimin e policisë që e kondiderojmë të pasaktë. TIA ka zbatuar procedurën e njoftimit në kohë të policisë. Autoriteteve u janë dorëzuar provat. Punonjësit e policisë kanë qenë prezent në pistë pak metra larg nga ndodhi ngjarja.

Emiratet e Bashkuara Arabe i kanë këkruar qytetarëve të vet meshkuj që të shmangin veshjet tradicionale të bardha kur udhëtrojnë jashtë vendit. Ky mesazh pasoi një ngjarje me protagonits një qytetar të Emirateve i cili u ndalua në Avon, Ohio të SHBA-së si i dyshuar për lidhje me Shtetin Islamik.  E gjitha pas një telefonate të një shtetaseje amerikane. Gazetat në Emirate kanë publikuar edhe foto të personit të shtrirë në tokë nga forcat policore. Edhe Ministria e Jashtme ka bërë thirrje përmes një statusi në rrjetet sociale që të shmanget veshja tradicionale për qëllime sigurie.

Sot Policisë së Shtetit, Ministrisë së Brendshme dhe titullarit të saj, Sajmir Tahiri, i ka ardhur në ndihmë media. Një raport i publikuar fillimisht nga “Top-Channel” për një testim të kryer në perimetrin e aeroportit të Rinasit ka bërë xhiron e të gjitha mediave, në funksion të një qëllimi: përgjegjësinë për sigurinë në një hapësirë të caktuar të aeroportit të Tiranës, me përkufizim Objekt i Rëndësisë së Veçantë – e kanë disa firma nënkontraktore private që kanë neglizhuar sugjerimet e Autoritetit të Aviacionit Civil dhe të Policisë së Shtetit.

Grabitja me armë në pisten e aeroportit të Rinasit ishte dëshmia më tronditëse se policia me uniforma "alla turka", të cilave ka nisur t'u dalë boja ende pa u përdorur, nuk mund të konsiderohen trupa të sigurisë dhe se pavarësisht paradave të suksesit me të cilat krenohet nga ministri te kryeministri, shqiptarët në këtë vend janë të ekspozuar dhe të pambrojtur.
Grabitja me armë ndodhi në pistën e aeroportit ndërkombëtar "Nënë Tereza", objektin me parametrat më të larta të sigurisë, ku na u tha se masat janë shtuar pas akteve terroriste të Stambollit.

Në prag të samitit të Varshavës të NATO-s, po publikohen disa mendime dhe ide mbi atë që duhet të jetë përgjigja e Aleancës ndaj kërcënimeve që janë identifikuar prej saj në Lindje. Në një analizë të publikuar në “Carnegie”, një think tank me shumë peshë, vihet theksi te krahu jugor i NATO-s, ku bën pjesë edhe Shqipëria.

Siguria në Internet dhe perceptimi se të dhënat personale, aktiviteti ynë online, janë të ekspozuara si ndaj sulmeve nga subjekte jashtë ligjit, ashtu edhe nga agjencitë e inteligjencë, po prodhon efekte të mëdha. Një raport i qeverisë amerikane, bazuar në një sondazh me 41 mijë individë që përdorin Internetin nga shtëpia, konstaton se ka një rënie thelbësore në llojshmërinë e aktiviteteve që kryehn përmes rrjetit.