Slideri Kryesor

Alexis Tsipras po jep prova se është në gjendje të bëjë çdo gjë, për të ecur përpara duke qëndruar në pushtet. Ndonëse duket si një vendim pa alternativë, dhënia me konçesion e 14 aeroporteve të Greqisë, një kompanie të vetme, gjermanes “Fraport”, ka provokuar debate në shtetin fqinj. Kjo pasi Tsipras ka kundërshtuar dhënien me konçesion kur ishte në opozitë. “Qeveria zgjodhi të vepronte me privatizimin e 14 aeroporteve, saktësisht siç kishte rënë dakord qeveria e shkuar. Tsipras mund të kërkojte falje, por ai nuk ka turp”, tha ish-kryeministri konservator Antonis Samaras.

Blloqet e lira të naftës, “Blloku ‘C’”, “Blloku ‘5’” dhe “Blloku ‘Panaja’, pritet të jepen me konçesion në muajin tetor të këtij viti. Kjo pason konçesionin e dhënë pak kohë më parë, ku fituan kompanitë “Shell”, “Navitas” apo edhe “Petromanas”. “Burimet në Ministrinë e Energjetikës bënë me dije se interesi paraprak për blloqet e raundit të dytë është mjaft i lartë me kompani që janë në të njëjtin rang me Shell dhe Delek Group, por si bëhet e ditur, kompanitë të interesuara për këto blloqe kanë kërkuar më shumë afat.

Kontraditat mes PS dhe LSI, të cilat janë munduar të mbulohen deri tani, duket që po dalin mbi sipërfaqe. Nga Jala ku mori pjesë në kampingun e të rinjve të kësaj force politike Ilir Meta deklaroi se fitorja e bashkive të mëdha nga e majta ka qenë më shumë për meritë të LSI-së dhe LRI-së. Ilir Meta tha se LRI-ja dha një kontribut të rëndësishëm në fushatën e fundit zgjedhore, sidomos në Tiranë, duke arritur edhe rezultate mjaft të mira. Gjithashtu, lideri i LSI-së theksoi faktin që në 13 anëtarë të këshillit bashkiak të Tiranës, 9 vijnë nga radhët e Lëvizjes Rinore për Integrim.

Statistikat e Shoqatës së Bankave hedhin dritë mbi pasojat e forta të krizës së Athinës në sistemin bankar shqiptar dhe sidomos te bankat me kapital grek. “Monitor” bën të ditur se sistemin bankar shqiptar ka pasur ndikim të ndjeshëm nga kriza e borxheve e vendit fqinj, që u intensifikua në tremujorin e dytë, duke rrezikuar deri daljen e Athinës nga euro.

Në një shënim të vetin, Spartak Ngjela pyet se “ku kanë shkuar të gjithë njerëzit e mirë”, perifrazim i një kënge të famshme angleze. Dhe shtron pyetjet: Pse nuk vendoset drejtësia në këtë vend? Pse bëhet sikur e duan drejtësinë shoqërore, kur tani, 25 vjet pas diktaturës, ende askush nuk ka më besim se mund të ketë drejtësi në vendin e tij?

Edhe një përfaqësues i lartë i fesë në Gjermani, si kardinali i Këlnit, Rainer Maria Woelki, e shikon si problematik emigracionin shqiptar. Ai ka folur nga Shkodra ku ka qenë për një vizitë, duke argumentuar se janë shifrat ato që flasin. “E shikoj si problem të Shqipërisë pasi në 2013-n kanë qenë 3.2 milion banorë dhe ndërkohë janë 2.8 milionë tani. E shoh të rëndësishme për të qëndruar këtu dhe për ta zhvilluar vendin. Dhe mendoj se Shqipëria e ka fuqinë për të ecur përpara.

Revista amerikane "Newsweek" i bën bërë një profil kryeministrit Edi Rama me titull: “Rilindja Shqiptare e Edi Ramës”. Gazetar Will Nicolls, veç vëzhgimeve dhe bisedave të veta, është mbështetur tek prononcimet e njohësit të Shqipërisë, aktivistit Fred Abrahams, dhe të “spin doktor-it” Alastair Campbell.

"Ajo që ka bërë qeveria është që ka axhustuar shpenzimet e të ardhurat, gjë që ndodh normalisht, rëndom, me natyrshmëri të qeverisë në çdo vit fiskal". Kështu e ka komentuar ministri i Zhvillimit Ekonomik (tashmë dhe i Turizmit) Arben Ahmetaj, rishikimin me ulje të buxhetit të shtetit. Madje sipas tij ekonomia po ecën më shpejt nga pritshmëritë zyrtare. "Rritja ekonomike po tregon se është më shumë se sa ka parashikuar FMN. Rritja e tre-mujorit të parë ishte sfiduese, në kuptimin e asaj përgjegjshmërie që i jep qeverisë, 2.82%.

Duket sikur e ka marrë seriozisht kryetari i ri i Bashkisë, Erjon Veliaj, me Njësinë nr. 5, e pikërisht me zonën që në hartë mund ta gjesh si: Rruga “Medar Shtylla”, por që në zhargonin e përditshëm të njerëzve ajo njihet edhe me emrin “Komuna e Parisit” ose akoma më thjesht “Xhungla”.

Gazeta "Shqip" ka botuar letrën e kreut të degës së PS-së Selanik drejtuar ministrit të Jashtëm Ditmir Bushati. Tema është pakënaqësia e socialistëve të Selanikut lidhur me emërimet në konsullatën e këtij qyteti, megjithë tagrin e dyshimtë që ka një degë partie jashtë vendit për emërimet e Ministrisë së Jashtme. Kreu i kësaj dege, Spiro Janaqi, në një letër drejtuar Konsulles së Përgjithshme në Selanik, Pavlina Yllit vë në dijeni edhe ministrin Bushati: