PD tenton të "protestojë te shtëpia e Linda Bashës" por militantët dëbohen nga banorët dhe pronari real

Një grup i vogël personash kanë mbërritur sot përpara godinës së denoncuar nga Partia Demokratike e Berishës si "pronë e Linda Bashës", bashkëshorte e Edi Ramës. Faqja online së përditshmes DITA raporton se rreth 10-12 persona militantë të PD, mes së cilëve spikasnin disa punonjës të Bashkisë së Tiranës tentuan të lexonin një deklaratë të parapërgatitur para disa kamerave, por në ato momente kanë reaguar fqinjë dhe banorë (eshte zone autoktone  lagje tiranase) të cilët kanë nderhyre duke debuar personat ne fjale.

Mediat e pranishme citojnë banorin Hasan Basha, pronari i banesës: “Jam pronari i kësaj toke dhe kësaj banese. E kemi marrë në bazë të legjislacionit në fuqi dhe me të gjitha dokumentet përkatëse. Në 2006 se bashku me djalin e vëllait tim kemi marrë lejen e në këto vite kemi ndërtuar këtë banesë. Disponoj të gjitha dokumentet ligjore që e vërtetojnë këtë dhe ju si pjesëtarë të mediave mund edhe të pyesni banorët e lagjes për këtë. Linda Basha është mbesa ime, por kjo pronë është prona ime dhe e nipit tim. Linda Basha nuk ka asnjë lidhje me këtë pronë.”

Ajo çka bie në sy nga filmimet është se banesa së cilës Partia Demokratike i referohet si "pallat luksoz gjashtëkatësh", është një banesë tiranase me tre kate dhe një papafingo, e ngritur në truallin e familjes Basha, aty ku dikur gjendej shtëpia e gjyshit të Linda Ramës – raporton DITA. (Re.Pu)