IPR Marketing: Koalicioni i majtë shton një mandat në Elbasan; në rang kombëtar, koalicioni i djathtë bie në 45% “falë” FRD-së

Kompania italiane IPR Marketing prezantoi sot në televizionin Ora News sondazhet e fundit parazgjedhore; një në rang kombëtar dhe një për qarkun Elbasan. Në këtë qark, sipas sondazhit, koalicioni i majtë merr një mandat më tepër se në vitin 2009 – nga 7 në 8. Sipas sondazhit, bashkimi i PS-së me LSI-së është faktori kryesor për prodhimin e një mandati shtesë, sepse LSI merr 1 mandat me 5.5% të votave të qarkut, duke e çuar koalicionin në 52%. Ndërsa ndarja e FRD-së nga PD-ja duket se e ka pakësuar kuotën e koalicionit të djathë (në krahasim me 2009-ën) me 2%, duke e zbritur në 45%.

Në rang kombëtar, sondazhi tregon një epërsi 51%-45% të koalicionit të majtë. Rënia e koalicionit të djathtë nga 48.6% që kishte në 2009-ën, në 45% sot, shpiegohet kryesisht me rrjedhjen e votës drejt FRD-së, e cila është në kuotën 2.5%
E.Zaloshnja