Meta takon Moro: Prioritet parësor, statusi brenda këtij viti
Kreu i lëvizjes Socialiste për Integrim, Ilir Meta është takuar sot me Ambasadoren e Francës në Shqipëri, Christine Moro. Meta ka garantuar ambasadoren se, pas mesazhit të qartë të qytetarëve shqiptarë për ndryshim, “është përgjegjësia jonë të tregojmë pjekuri politike dhe modesti duke punuar ngushtë me të gjithë aktorët, opozitën, shoqërinë civile dhe grupet e interesit, në funksion të politikave që sjellin investime e punësim, dhe që i shërbejnë axhendës evropiane të Shqipërisë”.
Meta theksoi se LSI do vazhdojë të jetë faktor stabiliteti në politikën shqiptare dhe se integrimi evropian, veçanërisht marrja e statusit të vendit kandidat brenda këtij viti, do të jetë prioritet parësor.
Moro ka garantuar Metën për mbështetjen e Francës në këtë proces duke shprehur vullnetin për thellimin e bashkëpunimit dypalësh në fushat prioritare kyçe.
Ambasadorja Moro ka përgëzuar Metën për rezultatin e arritur nga LSI në zgjedhjet e 23 qershorit, duke i uruar suksese në angazhimet e mëtejshme.
PANORAMA
Add new comment