Vrasja e parë e Caravaggio-s
Jeta dhe karriera e Michelangelo Merisit, i njohur botërisht si Caravaggio, pasurohet me detaje falë një dorëshkrimi që ka dalë në dritë së fundmi. Detaje të reja zbulohen në shkrimet e Gaspare Celios, në përmbledhjen e “Jetëve të Vasarit”, një tekst i cituar nga disa autorë të shekullit të shtatëmbëdhjetë, gjurmët e të cilit kishin humbur. Teksti është gjetur në bibliotekën e Kolegjit Stonyhurst, në Lancashire, në Britani.
Mes tyre ka detaje mbi vrasjen e dyshuar të kryer nga Caravaggio në Milano, kur ai ishte i ri. Pikërisht ky krim u bë shkak për transferimin e artistit nga Lombardia, deri në mbërritjen e tij në Romë. Burimi kryesor i këtij episodi, i pambështetur në dokumente, por të cilit i referohen biografë të tjerë, mund të jetë vetë Celio, megjithëse nuk dihet nëse autori kishte informacion vërtet të besueshëm për të.
Vrasja, në fakt, mund të përfaqësojë gjithashtu një përpjekje për ta bërë jetën e personazhit të Caravaggio-s të duket më e vështirë (dhe për rrjedhojë më magjepsëse) sesa ishte në të vërtetë. I mbërritur në Romë dhe mbështetje (theksi vihet te varfërisa dhe karakteri i egër dhe i paepur i artistit), Caravaggio dyshohet se u dërgua të jetonte në pallatin e kardinalit Del Monte, falë ndërhyrjes së Prospero Orsit. Biografia e Caravaggio-s e shkruar nga Celio thekson rëndësinë e figurës së këtij të fundit.
Nga informacioni i ri mbi jetën dhe karrierën e Caravaggio-s, del gjithashtu se pikturat e para të Michelangelo Merisit (ose më mirë, subjektet e tij të para) mund të ishin bërë me synimin për ta prezantuar veten në tregun romak. Prospero Orsi mund të ketë qenë arkitekti i vërtetë i karrierës së të riut Caravaggio. Prospero Orsi mendohet se e ka ndikuar që Michelangelo Merisit t’i besohet vepra e Kapelës Contarelli, e cila më parë i ishte besuar kavalier Arpinos.
Comments
Heu bre
Nuk qenkeni fort te sigurte per ndërhyrjen e Prospero Orsit qe Caravaggio të jetonte në pallatin e kardinalit Del Monte. E çuditshme.
Add new comment