NATO: Baza e Pashalimanit mund të përdoret për kërkesa operacionale

Agjencia Telegrafike Shqiptare njofton sot se NATO-ja ka folur me të për bazën detare të Pashalimanit. Në përgjigjen e vet Aleanca sqaron se po punon ngushtë me autoritetet ushtarake shqiptare për të përcaktuar mënyrën më të mirë sesi baza detare e Pashalimanit mund të mbështesë kërkesat operacionale detare të NATO-s.

Nuk ka një refuzim nga Aleanca, por një përpjekje për të parë diçka për bazën detare në fjalë, në përmbushje përherë të kërkesave operacionale të NATO-s. Nuk kemi pra një vlerësim strategjik për rëndësinë e saj, megjithë lobimin e kryeministrit në këtë politikë të re mbrojtjeje që kërkon me çdo kusht prezencë të shtuar të NATO-s në territorin shqiptar.