trump

Presidenti amerikan Donald Trump i ka kërkuar senatit të SHBA-së, ratifikimin e pranimit të Maqedonisë së Veriut në NATO. Në letrën dërguar me këtë rast, Trump thekson partneritetin me Shkupin zyrtar në çështjet e sigurisë dhe sipas tij, anëtarësimi i këtij vendi do t’i shërbejë interesave të SHBA dhe NATO-s.Anëtarësimi i Maqedonsië së Veriut është ratifikuar nga vendet anëtare dhe ai pritet të formalizohet në vjeshtën e këtij viti.

Në fjalën e tij kryesore në Mayflower Hotel në Washington më 27 prill 2016, Trump si kandidat i republikanëve përvijoi qasjen e vet të politikës së jashtme, “Amerika në fillim”. Duke bërë kështu, ai citoi manifestin e vet:

Ndryshe nga kandidatët e tjerë për president, lufta dhe agresioni nuk do të jenë instinkti im i parë. Nuk mund të kesh një politikë të jashtme pa diplomaci. Një superfuqi e kupton se maturia dhe përmbajtja janë shenja të vërteta të fuqisë.

Fushata për rizgjedhjen e presidentit amerikan, Donald Trump ka grumbulluar më shumë se  30 milion $ në tremujorin e parë të 2019, duke tejkaluar totalin e shumave të siguruara aktualisht nga kandidatët demokratë.

Fondet e grumbulluara tregojnë se mbështetësit e republikanëve janë të gatshëm për të investuar në betejën  e vështirë të rizgjedhjes së Trump për një mandat të dytë.

Vendimi i presidentit amerikan, Donald Trump për t’ia njohur Lartësitë Golan Izraelit, është kundërshtuar nga një seri vendesh, përfshirë aleatët e SHBA-së. Vendet e Gjirit Persik, Irani, Bahrain, Katari, Kuvajti dhe Arabia Saudite e kanë kritikuar aktin në fjalë. Teherani zyrtar, i konsideruar armik nga SHBA-ja, e ka cilësuar veprimin të paprecedentë.

Askush nuk mund të imagjinojë që dikush në Amerikë të vijë dhe t’i japë një copë territori të një shteti, shtetit pushtues, kundër ligjeve ndërkombëtare dhe konventave

Presidenti amerikan Donald Trump e ka bërë fakt zyrtar njohjen nga ShBA të Lartësive Golan si territor izraelit. Ai ka firmosur një proklamatë gjatë vizitës së kryeministrit izraelit Beniamin Netanyahu në Shtëpinë e Bardhë duke kaluar nga fjalët në vepra. 

Trump foli për një hap historik dhe e argumentoi atë me mbrojtjen e Izraelit nga sulmet armiqësore, që vijnë nga Lartësië Golan…Sekretari i Përgjithshëm i OKB, tha qartë se statusi i Lartësive Golan nuk ka ndryshuar. Këtë e deklaroi një zëdhënës i OKB

Donald Trump ka dalë i pastër nga hetimi i Prokurorit të posaçëm, Robert Mueller. Mediat kryesore të huaja, mes të cilave edhe ato që kanë qenë hapur kundër presidentit aktual amerikan, kanë qenë të detyruara të raportojnë se raporti i Mueller nuk ka nxjerë asnjë implikim për bashkëpunimin e fshehtë të Trump me Rusinë gjatë fushatë presidenciale të vitit 2016.

Deklaroi tërheqjen nga Siria dhe për këtë u kritikua ose u analizua gjerë e gjatë. Por presidenti amerikan Donald Trump nuk ka munguar të ofrojë surprizën e radhës duke sfiduar një realitet ndërkombëtar në Lindjen e Mesme. Përmes një statusi në tuiter, Trump shkruan se ka ardhur koha që Lartësitë Golan t’i njihen Izraelit si territor i vet. Sipas tij kjo rrafshnaltë ka rëndësi për paqen rajonale.

Presidenti i Shteteve të Bashkuara të Amerikës, Donald Trump, ka revokuar urdhërin e paraardhësit të tij, nobelistit të paqes, Barack Obama, për raportimin e viktimave civile nga goditjet ajrore me dron.  Urdhëri i ri nuk aplikohet për zona lufte si Siria, Iraku dhe Afganistani, ku SHBA ka trupa ushtarake të dislokuara, por për goditjet ajrore që kryhen nga operativët e shërbimeve sekrete.

Është gjerësisht i pranuar fakti se asnjë lider amerikan nuk ka bërë më shumë për komedianët e kombit sesa Donald Trump. Si biznesmen, ai ia ka dalë të ngrejë nga zero kompani të suksesshme. Por si president, ka nxitur një bum të vërtetë në industrinë e satirës. Ajo që njihet më pak – madje shpesh injorohet plotësisht – është mënyra me të cilën komedianët dhe komedia i kanë shërbyer Trumpit.

Presidenti amerikan, Donald Trump u kërkon aleatëve evropianë të "kthejnë" nga Siria më shumë se 800 xhihadistë të Shtetit Islamik dhe t’i dënojnë. "Kalifati është gati të bjerë" shkruajti presidenti amerikan në një mesazh në Tëitter.

 “Zgjidhjet alternative nuk janë më të mirat, ne do të jemi të detyruar t’i lëmë ata të lirë ..."-shtoi më tej kreu i Shtëpisë së Bardhë. Forcat siriane Demokratike (SDF) kanë rrethuar nga të gjitha anët luftëtarët e Shtetit Islamik në një lagje të fshatit Bagouz pranë kufirit me Irakun.