ndertimi

Dje televizioni News24 transmetonte një kronikë mbi vizitën e disa biznesmenëve sauditë në Shqipëri të cilët siç thuhej aty ishin në vendin tonë me ftesë të kryeministrit Edi Rama. Përtej aspektit publictar të kronikës, po veçojmë prononcimin e një prej biznesmenëve që deklaron se do të investojë në qendër të Tiranës dhe në bulevardin e ri të saj. 

Mediat britanike rapotojnë për një studim të fundit sipas të cilit ndërtuesit e Stonehenge ishin nga Mesdheu. Studiuesit nga Londra arritën në këtë përfundim pas krahasimit të ADN-së së mbetjeve njerëzore në Britani me ato të njerëzve që kanë jetuar në të njëjtën periudhë në Europë.

Tv Klan raporton sot se hidrocentrali i Skavicës do të ndërtohet me para publike nga Korporata Energjetike Shqiptare. HEC-i në fjalë do të shërbejë për konsumatorët fundorë dhe do të ndahet në dy njësi: Katundi i Ri dhe Skavica. Projekti ka nisur që në vitet ’70 dhe i shtohet heceve të tjerë në kaskadën e Drinit, Fierza, Komani dhe Vau i Dejës. 

Ndërtimi i xhamisë së Namasgjasë shihet si realizimi i një ëndrre jo vetëm për muslimanët shqiptarë, por edhe ata të rajonit. Kështu shkruan në faqen e tij Fondacioni i çështjeve Fetare të Turqisë, i cili është një prej financuesve të kësaj vepre.

Deri më tani janë kryer rreth 70% e punimeve dhe sipas planifikimit xhamia do përfundojë deri në fund të këtij viti. Ndërtimi i saj filloi në 2015, ku në inagurim mori pjesë edhe presidenti turk, Rexhep Taip Erdogan. 

Marrëveshja mes Shqipërisë dhe Greqisë për kërkimin, zhvarrimin, identifikimin dhe varrimin e ushtarakëve grekë të rënë në vendin tonë gjatë luftës greko-italiane(vërejtje: në përgjithësi historiografia shqiptare e ka njohur si lufta italo-greke) të viteve 1940-1941, parashikon ndërtimin edhe të një varreze tjetër në Dragot të Tepelenës.

Zbardhen prapaskena nga negociatat që po zhvillohen për ndërtimin e aeroportit të Vlorës. Bashkimi i kompanive turke që ka propozuar ndërtimin e aeroportit, kundrejt një shume prej 98 milion eurosh, kërkon garantim të fitimit për të shlyer investimin. 

Sipas Tv Klan, Buxheti i shtetit do t’i paguajë 4.5 milion euro në vit për 7 vjet rresht, kompanisë turke Cengiz, Kalyon dhe Kolin Construction, e cila do të marrë ndërtimin dhe operimin e aeroportit të Vlorës.

Sot kryebashkiaku Erion Veliaj deklaroi se në zonën e Liqenit Artificial nuk do të ketë më ndërtime. Nuk është e qartë se për cilën arsye z. Veliaj e ka dhënë një deklaratë të tillë, por nuk përjashtohet fakti se në prag të zgjedhjeve të reja lokale, ai me gjasë e sheh se kullat që po mbijnë ngado në Tiranë, janë kosto elektorale. Përtej kësaj, deklarata e z. Veliaj sipas Partisë Demokratike, është e pavërtetë. Zëdhënësja e saj, Ina Zhupa ka deklaruar sot se në hyrje të Liqenit Artificial, në zonën e Gardës së Republikës është menduar ndërtimi i kullave.

Juristja Mirela Jorgo, që replikoi me kryetarin e Bashkisë së Tiranës Erjon Veliaj, gjatë takimit të këtij të fundit me artistët, ka publikuar dje një shkrim në www.hashtag.al përm,es të cilit thotë se toka ku sot është Teatri Kombëtar, por edhe sheshi “Skënderbej” kanë qenë pronë e familjes Libohobva.

Turqia ka licencuar ndërtimin e reaktorit të parë bërthamor në Akkuyu dhe për këtë është autorizuar kompania ruse Rosatom.

Licenca është dhënë dy ditë përpara se në Turqi të jetë për vizitë presidenti rus, Vladimir Putin  me të cilin kreu i shtetit turk, Erdogan do të diskutojë për Sirinë.

Projekti nisi të zbatohej tre vjet më parë, por vetëm tani Ankaraja zyrtare ka licencuar ndërtimin e impiantit që e rendit Turqinë në listën e vendeve bërthamore të paktën në sektorin civil.

Ministri i Ekonomisë dhe Financave Ahmetaj e justifikon rritjes së sektorit të ndërtimit me huatë e dhëna për ndërtim, duke hedhur poshtë dyshimet se "lepuri fle" diku tjetër dhe se volumi i lejeve të ndërtimit mund të ketë lidhje me pastrimin e parave nga trafiku i kanabisit në këtë sektor. Në një konferencë me gazetarët ai tha se huaja për pasuritë e paluajtshme është rritur me 6 %.