itali

Mediat italiane raportojnë për vdekjen e Salvatore Riina, njohur edhe si Totto Riina. Riina vdiq në moshën 87 vjeçare praninë e familjarëve që u lejuan ta vizitonin atë në spital në momentet e fundit. 
Riina do të mbahet mend gjatë në Itali dhe në kartelat e krimit  të organizuar. Ai transformoi Cosa Nostra siçiliane nga një organizatë që federonte familje të ndryshme mafioze në një njësi thuajse terroriste që e dominoi me diktat thuajse absolut që nga viti 1983.

Ka përfunduar me dhunë intervista e një gazetari të Rai “Nemo” me Roberto Spada, vëlla i një kapoklani, Carmine “Romoletto”. Intervista vjen në kuadër të fushatës elektorale dhe është zhvilluar në Ostia, njësi e Romës, që është prekur nga aktivitetet mafioze. Spada qëllon me kokë dhe i thyen hundën gazetarit Daniele Piervincenzi që ka dhënë dorëheqjen në mbrëmje dhe qëllon me një shkop gome kameramanin Edoardo Anselmi. Solidariteti me gazetarin nuk ka munguar, madje edhe nga kryeministri Paolo Gentiloni.

Del në dritë në Itali i pari fjalor italo-arbëresh që trajton zonën e Molises. Fjalori nga autorët quhet Polinomik dhe Social dhe ai është realizuar me bashkëpunimin e shumë qytetarëve të komunave të Campomarino, Montecilfone, Portocannone dhe Ururi, me koordinim të Feranda Pugliese dhe nën drejtimin e Giovanni Agresti. Gjuha e këtyre zonave është në rrezik zhdukjeje dhe qytetarët janë treguar të gatshëm të kontribuojnë duke “dëshkuar lidhjen e fortë me trashëgiminë  e tyre gjuhësore”.  Në hyrjen e  fjalorit(vocabolario) shpjegohet arsyeja e një punimi Polinomik dhe Social.

Policia përfshihet në një tjetër skandal pas ngjarjes së Elbasanit, ku nguroi të arrestojë dhëndrin e kryebashkiakut Qazim Sejdni për sulmin ndaj makinës së zv/drejtorit Gjergj Oshafi. Ish- shefi i Krimeve të Rënda në Tiranë dhe i njësisë Operacionale të Policisë së Tiranës Dritan Xhindoli, u vetëdorëzua në policinë e Durrësit, pasi ishte në kërkim ndërkombëtar.

Po risjell tesktualisht atë që lexoj në internet siç është publikuar më 21 gusht, ora 08:32:

“Carugate, letra e turpit kundër personit me aftësi të kufizuar: identifikohet autori. “Përtej mungesës së qytetarisë. Jo vetëm që parkon në një vend të rezervuar për personat me aftësi të kufizuar, pot edhe ka shfryrë kundër një të pamunduri për shkak të një gjiobe, me një dhunë verbale tronditëse. E gjitha e shkruar në një letër. Ngjarja ka ndodhur në Carugate, në hyrje të Milanos.

Një marshim në përkujtim të 28 tetorit, ditën kur diktatori fashist Benito Mussolini parakaloi në Romë kërkon  të organizojë Forca Nuova, përfaqësuesë e ekstremit të djathtë. Forza Nuova, e cila nuk është e përfaqësuar në parlament, ka bërë të njohur online se marshimi planifikohet kundër një projektligji që kërkon të japë shtetësinë italiane për fëmijët emigrantë të lindur në Itali, por gjithashtu edhe "për për të ndaluar dhunën dhe përdhunimin nga ana e emigrantëve ".

Drejtoria e Përgjithshme e Arkivave publikon sot në faqen e vet në Facebook, pjesë nga dorëshkrimet origjinale të veprës së Jeronim De Radës, konkretisht nga “Këngët e Milosaos”. Po kështu njoftohet se shteti shqiptaar e bleu arkivin e poetit të shquar arbëresh për 3 milionë lireta në vitin 1952 dhe DPA-ja publikon edhe fletën e procesverbalit. Më poshtë fotot që janë interesante:

Procesverbali i marrjes në dorëzim

Politika e klikut. Ky është një term me të cilin ish-presidenti Italian, Giorgio Napolitano ka përshkruar metodat që vë në jetë një lëvizje si ajo e Beppe Grillos, “5 yjet”. Duke folur në një ceremoni, Napolitano ka bërë disa vlerësime mbi politikën e sotme, e cila po kalon në varësi të teknologjisë duke thjeshtuar shumë nga detyrat e saj.

Nuk mjaftojnë tërmetet, një tornado e fuqishme ka goditur Romën, duke shkaktuar dëme viktima dhe dëme të mëdha materiale. Në Ladispoli, 30 kilometra larg Rome, një person humbi jetën, ndërsa dhjetra të tjerë u plagosën. U shkatërrua një pjesë e ndërtesës tetëkatëshe në qendër, popullata u evakuua dhe shpëtuan dhjetëra familje.
Në veri të Romës, në Cessano, tornado shkaktoi vdekjen e një personi. Në këto qytete janë shkatërruar shëtitoret, shtyllat e ndriçimit, platformat e stacionit të trenit dhe është ndërprerë qarkullimi hekurudhor.

Italia qëndrore u godit sërish nga një tërmet i fortë që shkaktoi rrëzimin e disa ndërtesave në Norcia. Lëkundja më e fortë u ndje në 7:40 dhe sipas Institutit Amerikan të Gjeofizikes intensiteti sizmik ishte me magnitudë 6.7 të shkallës Rihter. Në shumë qytete dhe fshatra u krijua panik, pasi shumë nga ndërtesatbe vjetra janë shembur.