greqia

Ministria e Bujqësisë reagoi ndaj kronikës së prezantuar dje nga emisionin investigativ "Fiks Fare" ne Top Channnel lidhur me importin e shpendeve të gjalla nga Greqia, të cilat janë të klasifikuar si të skartuara. Ministri Panariti urdheroi pezullimin dy javor të importeve të shpendeve të gjalla, deri ne garantimin e gjurmueshmërisë dhe dhe verifikimit të origjinës. Në njoftim thuhet se ministri urdhëron inspektimin veterinar të detyryeshëm të shpendeve në kufi pavaresisht dokumentacionin shoqerues.

Athina ka reaguar ashpër ndaj rekomandimeve të Komisionit Europian. Kryeministri Aleksis Tsipras që ndodhet për vizitë zyrtare në Izrael, deklaroi se Greqia do të jetë absulotisht gati muajin e ardhshëm. Por Tsipras theksoi se “mbetet të shihet se sa Europa do t’u përgjigjet angazhimeve të veta ndaj Greqisë”. Duke iu referuar fakti se tetë muajt e fundit kanë hyrë në Greqi 800.000 refugjatë dhe emigrantë, Tsipras tha se Greqia muajt e fundit “po përballet me një presion më të madh nga sa mund të suportojë. Kemi të bëjmë me lëvizjen më të madhe të popullsisë që nga Lufta e Dytë Botërore”.

Rrugët e daljes nga moçali ku gjenden marrëdhëniet shqiptaro-greke pas vitit 2009 janë një e përpjetë e madhe. Deklaratat me nota optimiste që janë bërë në të shkuarën janë produkt i politikave konjukturale dhe partiake si në Athinë ashtu edhe në Tiranë.
Artikulohen kryesisht në Greqi, në kohën kur Shqipëria ndodhet në periudha para dhe paszgjedhore për shkak të prirjeve të kahershme të qeverive të Athinës për të parë një ndryshim në qëndrimet e Tiranës. Për më tepër, ky është sezoni që zakonisht lulëzojnë të ashtuquajturit emisarë engjëllorë midis dy kryeqyteteve.

Në Athinë fillon të hënën një tjetër raund negociatash midis qeverisë greke dhe kreditorëve. Këta të fundit përfaqësohen nga ekipet teknike, pasi shefat e misioneve pritet të mbërrijnë ndoshta nga fundi i muajit, nëse do të jenë sheshuar vërejtjet mbi projektin e reformës së pensioneve dhe “vrimën e zezë” në financat publike greke.

Kjo u tha gjatë një një telekonference të zhvilluar në fundjavë, ku kreditorët kërkuan nga Athina më shumë detaje, sa për buxhetin e shtetit, aq edhe për reformën e pensioneve.

Ministrat e financave të eurozonës kanë deklaruar se Greqia po shënon progres në përmbushjen e angazhimeve. Por ministrat kanë kërkuar më shumë sqarime nga Athina lidhur me reformën e sigurimeve shoqërore, që do të gjendet në qendër të negociatave me kreditorët, javët e ardhshme.
“Këto sqarime duhen dhënë sa më shpejt”, me qëllim që të avancojë mbërritja e përfaqësuesve të kreditorëve në Athinë, tha presidenti i Eurogrupit, Jeroen Dijsselbloem.

Në 2016 diplomacisë greke do duhet t'i përballet me sfida delikate të politikës së jashtme, ku prioritet mbeten marrëdhëniet me Izraelin dhe raportet me vendet e rajonit dhe veçantërisht Shqipërinë. Gazeta "Kathimerini" shkruan se Athina do të vazhdojë përpjekjet për forcimin e bashkëpunimit me trekëndëshin Qipro-Izrael-Egjipt duke përfshirë në planet e saj strategjike edhe Jordaninë për çështje që lidhen me politikat energjike dhe sigurinë.
Po ashtu ruajtja e ekuilibrave për çështjen palestineze dhe botën arabe janë të një rëndësie të dorës së parë.

Kryetari i Kontrollit të Lartë të Shtetit, Bujar Leskaj, ka publikuar sot në “Monitor” një analizë për situatën ekonomike të Shqipërisë. Leskaj merr në vështrim disa elementë duke i krahasuar me situatën në Greqi, në momentin kur ky vend po hynte në krizë. Sipas Leskajt, Shqipëria ka ngjashmëri të mëdha në treguesit e vet me krizën greke, çka sinjalizon rrezik jo të vogël për vendin.

Kryetari i BDI, Ali Ahmeti, do të takohet të premten në Athinë me ministrin e jashtëm grek, Nikos Kotzias. Sipas medias greke, kjo vizitë inkuadrohet në përpjekjet për gjetjen e një rrugëdaljeje në çështjen e emrit, që ka krijuar një ngërç konstant në marrëdhëniet midis Greqisë dhe Maqedonisë prej më shumë se 20 vjetësh.
Në fakt, strategjia e Athinës, për një përafrim me udhëheqësit e shqiptarëve në Maqedoni, ka filluar që në vitin 2013, kur Ali Ahmeti ishte takuar po në Athinë me ministrin e atëhershëm të punëve të jashtme, Evangelos Venizelos dhe atë të mbrojtjes, Avramopulos.

Zhgënjim! Kështu mund të quhet karikatura e Kevin Kallaugher në “The Economist” për kryemistrin grek, Alexis Tsipras. “Ai nuk ishte ëndrra që grekët besonin”, e titullon Kallaugher. Dhe në të vërtetë: pas njeriut të popullit që premtoi nderin dhe dinjitetin, u shfaq politikani që diti të kapë momentin më mirë nga të gjithë në Greqi. Aq sa tani mbetet ende alternativa më e pranueshme.