Slideri Kryesor

Me një vendim unanim, Këshilli Bashkiak në Portland miratoi ndalimin gjithëpërfshirës të teknologjisë së njohjes së fytyrës. Portlandi bëhet kështu qyteti i parë që ndalon si njësitë publike edhe ato private të përdorin programin e shumëdebatuar.

Këshilli Bashkiak i Portlandit e ndau vendimin në dy urdhëresave të veçanta. E para do të bllokojë të gjitha agjencitë e qytetit, përfshirë policinë, nga përdorimi i teknologjisë, ndërsa tjetra ndalon organizatat private të vendosin pajisje për njohjen e fytyrës në vende publike.

Bota ka humbur më shumë se dy të tretat e kafshëve të egra në më pak se 50 vjet, kryesisht për shkak të aktivitetit njerëzor.

Shifra ka dalë nga një raport i Fondit Botëror për Natyrën (WWF), që thekson rreziqet e një kolapsi të tillë për të ardhmen e njerëzimit.

Midis viteve 1970 dhe 2016, rreth 68% e kësaj faune u zhduk, sipas Indeksit të Planetit të Gjallë, një raport që hartohet çdo dy vjet nga WWF.

Liderët e tre koalicioneve opozitare që fituan zgjedhjet e së dielës në Mal të Zi kanë nënshkruar marrëveshjen e parë. Zdravko Krivokapiç, Aleksa Beçiç dhe Dritan Abazoviç, të cilët përfaqësojnë përkatësisht koalicionin "Për Ardhmërinë e Malit të Zi", "Paqja është kombi ynë" dhe "Bardh e zi" kanë rënë dakord që të mos ndërmarrin asnjë iniciativë ose procedurë për të ndryshuar flamurin shtetëror, stemën dhe himnin.

Marrëveshja mes partive që fituan shumicën e nevojshme për të formuar një qeveri është arritur që dje, por u prezantua sot në një konferencë shtypi.

Ka disa ditë që në media të ndryshme po flitet për zgjedhjet e ardhshme. Dhe po flitet për to duke i mëshuar dy drejtimeve eventuale që ato mund të prodhojnë: I pari se Lulzim Basha dhe Monika Kryemadhi janë ndryshimi, i dyti se Edi Rama merr manxatin e tretë. 

Skenari i rotacionit ka humbur kështu vlerësimin për arsyen se premtimi i opozitës tradicionale është aq ireal në raport me akter e saj, saqë çdo shpesë që procesi elektoral të prodhojë ndryshim është zeruar.

Rritja e shpejtë e popullsisë, mungesa e aksesit në ushqim dhe ujë dhe rritja e ekspozimit ndaj katastrofave natyrore do të bëhet shkak për shpërnguljen e më shumë se 1 miliard njerëzve deri në vitin 2050.

Ministri i Brendshëm, Sandër Lleshaj, thotë se Policia e Shtetit duhet të rivitalizohet. Për ta arritur këtë, sipas Lleshajt, nga radhët e policisë duhet të largohen efektivët në moshë dhe ata që kanë probleme fizike. Lleshaj e bëri këtë deklaratë gjatë ceremonisë së prezantimit të forcave “Shqiponja” në Lezhë.

Mbipopullimit dhe pandemisë në kampin e emigrantëve në ishullin Lesvos të Greqisë, të mërkurën iu shtua edhe një zjarr masiv. Mijëra emigrantë u detyruan të largohen pasi flakët përfshinë kampin e Morias.

Situata mori përmasa të mëdha brenda pak orëve dhe kryeministri Kyriakos Mitsotakis thirri ministrat në një takim urgjent. Megjithatë, fatmirësisht nuk raportohet për viktima.

Faza e tretë e provave klinike për vaksinën Covid-19, e cila po zhvillohet nga Universiteti i Oksfordit dhe kompania “AstraZeneca” është ndërprerë.

Vendimi është marrë për shkak të një efekti serioz anësor që ka shkaktuar te një prej personave te të cilët është testuar.

 Marrëveshja historike e Uashingtonit po prodhon një serial të vërtetë episodesh paradoksale në media dhe rrjetet sociale. 

Karakteristikë e politikanëve skenikë është prevalenca e shout mbi përmbajtjen, gjetja e rrugëve të shkurtra për çështje që në fakt nuk kanë përgjigje të tilla. 

Nëse presidenti Donald Trump luajti heroin e paqes në atë inskenim, figurantët rreth tij po përpiqen t’i gjejnë kuptim roleve të veta. 

Bisedimet greko-turke rreth krizës së fundit në Mesdheun Lindor do të mbahen më 10 shtator. 
Kështu raporton agjencia Reuters që citon burime nga Ministria turke e Mbrojtjes sipas të cilave shtyrja është kërkuar nga Komiteti Ushtarak i NATO-s që ndërmjetëson negociatat. 

Negociatat kanë të paktën një objektiv të njohur: shmangien e incidenteve ushtarake që do ishin të vështira për t’u vënë nën kontroll. Deri më tani Aleanca nuk ka njoftuar se do të ndërmjetësojë edhe për arritjen e një marrëveshjeje për Zonat Ekskluzive Ekonomike që janë burim i tensioneve.