Slideri Kryesor

Pas Luftës së Dytë Botërore në Poloni është ndërtuar një numër i madh monumentesh të periudhës sovjetike. Rreth 200 objekte vazhdojnë të ekzistojnë. Tani ato duhet të zhduken. Historiani Pawel Ukielski nga Instituti polak i Kujtesës Kombëtare do të kishte preferuar që simboli më i madh i periudhës sovjetike në Poloni, Pallati i Kulturës të rrëzohej. Ndërtesa e lartë prej 231 metrash është që prej viteve '50 qiellgërvishësi më i lartë i vendit dhe për shumë vetë halë në sy. Në atë kohë ishte edhe ish-ministri i Jashtëm Radoslaw Sikorski që u shpreh për rrëzimin e tij.

Prokuroria shqiptare formuloi para disa ditësh akuzën penale për ish-drejtorin e CEZ Albania, Josef Hysek, sipas të cilës çeku që drejtonte kompaninë në fjalë ka abuzuar në shifrën e 5 milionë dollarëve. Kjo është një shifër të cilën e pretendon organi i akuzës dhe që do të duhet të konfirmohet nga gjykata. Marrja në konsideratë e kësaj akuze, të shtyn që të shtrosh disa pyetje mbi mënyrën e realizimit dhe përmbajtjen e Marrëveshjes së Mirëkuptimit mes qeverisë shqiptare dhe CEZ në momentin e kalimit të aksioneve sërish drejt shtetit shqiptar.

Edi Rama u prit në Shtëpinë e Bardhë nga presidenti amerikan, Barak Obama duke shënuar një moment kulmor në aspektin "publicitar" të karrierës së tij politike. Përtej përfitimeve personale që Rama do të mundohet të vjelë nga kjo vizitë, prania e një kryeministri shqiptar në Shtëpinë e Bardhë është me domethënie për një vend të vogël si Shqipëria.

Zv.ministrja e Arsimit, Nora Malaj, ka deklaruar sot se futja e edukatës fetare në shkollë është kërkesë e Bashkimit Europian. Sipas “Vizion Plus” që i ka marrë Malajt një prononcim, janë 13 vende të BE-së që e kanë pranuar këtë nismë gjithnjë me synim edukimin si formë e luftës kundër terrorizmit. Në Shqipëri edukimi i historisë fetare do të përfshihet në 10 institucione arsimore të nivelit 9-vjeçar dhe të mesëm. “Mësimi rreth feve, nuk do të jetë lëndë më vete, por e shkrirë me tekstin e Edukatës Qytetare. Nxënësit e klasave te 6 dhe te 10 do të zhvillojnë 18 orë në vit Edukatë Fetare.

Ekspertët gjermanë të zhvillimit tërheqin vëmendjen për zhvillime të reja të rrezikshme lidhur me krizën e borxheve shtetërore në vendet në zhvillim dhe ato në ekspansion. “Ne shohim prej vitesh një përkeqësim dramatik të situatës së borxheve në hemisferën jugore në përgjithësi”,- deklaroi Jürgen Kaiser nga organizata “Erlassjahr.de” gjatë paraqitjes së raportit të borxheve 2016 të përpiluar bashkërisht me organizatën e ndihmës Misereor.

Kryeministri shqiptar, Edi Rama, ka zhvilluar sot një takim me presidentin amerikan, Barack Obama, në kuadër të vizitës që po zhvillon në ShBA.

Punëtorë të Bashkisë së Tiranës kanë tentuar sot të mbjellin pemë në zonën pranë Kopshtit Zoologjik, por pa “ditur” ndoshta që po e bënin këtë punë në pronë private. Qytetarë të ndryshëm kanë kundërshtuar procesin duke nxjerrë dokumente(si tregohet në një video që qarkullon në rrjetet sociale) që sipas tyre janë certfikata pronësie. është dashur ndërhyrja e Policisë Bashkiake për një proces që duket se e vendos Bashkinë në kushtet ose të shkeljes së ligjit, ose të mosnjohjes së territorit.

Gjykata e Lartë shpalli të pafajshëm ish-ministrin e Arsimit në qeverinë Berisha, Myqerem Tafaj. Ai akuzohej për shpërdorim detyre në lidhje me akreditimin e paligshëm të një universiteti privat. Kallëzimi penal ishte bërë nga zyra juridike e Ministrisë së Arsimit. Pas hetimeve Prokuroria kërkoi 1 vit burg për ish-ministrin, por në përfundim Gjykata e Lartë e shpalli atë të pafajshëm duke e liruar nga akuzat. Ky është ministri i dytë që u vu në hetim nga Prokuroria, pas ish-ministrit të Punës Spiro Ksera, i cili ndodhet në arrest me burg po për të njëjtën akuzë “Shpërdorim Detyre”.

Në Siri tanimë po diskutohet Al Nusra si fronti kryesor i kundërshtimit të pushtetit të Bashar al Assad. Së fundmi, ka raportime zyrtare se fronti në fjalë po synon të bllokojë qytetin e Halepit dhe mandej të ndërpresë rrugën mes tij dhe Damaskut, duke kthyer në zonë lufte të gjithë veriun e Sirisë. Në përpjekje për ta ndalur këtë gjë, forcat e Assad, që parashikohet të jenë tri herë më të mëdha në numër sesa ato të Al Nusra dhe do të asistohen në terren nga trupa ruse, trupa të Gardës Revolucionare Iraniane dhe milicisë shiite të Hezbollahut, kanë nisur ofensivën më 12 prill.

Jo pak herë Partia Demokratike u ka bërë thirrje shqiptarëve të ngrihen për të përmbysur me revolucion demokratike qeverinë Rama Meta. Ide e nxitur dhe e promovuar nga ish-kryetari i Partisë Demokratike, Sali Berisha. Por Basha i akuzuar se po udhëheq nën hijen e ish-kryetarit duket se po ndryshon kurs në raport me paraardhësin e tij, duke rrëzuar idenë e revolucionit demokratik dhe atë të zgjedhjeve të parakohshme. Në Dumre Basha u tha qytetarëve se rruga e vetme që opozita të vijë në pushtet janë zgjedhjet parlamentare.